1 Kronikas 17:21 - DAWAN BÎLA AISKA

²¹ Israel man uplikam ba dukiara lika, ¡witin baku wala âpu sa, nisan sin wala âpu sa naha tasba ra! ¡Ay, Gâd, man bui sika pri sakram uplikam kabia dukiara, bara ninam ba tara bukram, wark tara aihkakira nani daukram ba mita! Idsip wina pri sakram, ban sin nisan wala nani ba wina sin.

1 Kronikas 17:21 ပူးပေါင်းရင်းမြစ်များ

1 Kronikas 17:20

Dawan, man baku wala âpu sa, gâd wala man baku âpu sa, diara nani yang nani walri bara tânka brisna ba.

1 Kronikas 17:22

Kan Israel ba bâk saki briram, man uplikam kaia ban kaia ra, bara Dawan, man sika ban kaia ra witin nani Gâdka kama.

Nihimaya 9:10

Bara wark aihkakira pali sin daukram king fero mapara, ai warkka uplika nani mapara, ai tasbaya uplika nani aiska mapara sin, kan man kaiki kapram witin nani praut lâka ra uplikam nani ra taibi kan ba. Baku sika man mita pura lui ninam ba tara pali daukram, naiwa kat kulkanka ban brisma.

Lawana Nani 107:2

Dawan bui witin nani ra swaki sakan ba wis, ai waihla karnika wina swaki sakan.

Lawana Nani 111:9

Ai uplika nani ra pri lâka yan, bara wal lâ daukan ba ban kaia ra bapi swin. Gâd ba holi sa bara sibrinkira sa sin.

Lawana Nani 65:5

Gâd bara wan sasakra, man sika yang nani ra pana aisisma ba, diara kasak aihkakira daukisma ba wal; naha tasba aiska ba man ra kasak lukisa, baku sin kabu lamara iwi nani ba sut.

Lawana Nani 77:15

Man karnikam ni uplikam nani atki sakram, Jekob bara Josep luhpia nani ba sin.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Aiseya 48:9

“Yang nini latwanka ba tâwan, kupi baiwanka ba alki takaskri, yang maiyunra ba dukiara ban mai sauhki tikaia lukri.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Aiseya 64:3

Baha piua ra diara sibrinkira nani man daukram ba, yang baha kaikaia bîla kaikras kapri ba, man bal iwram ba ra, il nani ba mamwanra tatatwan ba.

Jirimaya 32:21

Man, uplikam Israel luhpia nani Idsip wina sakram bara karnikam tara ba marikram, diara aihkakira, sain nani dauki, upla nani ra sut ra sibrin dingkram ba mita ni.

Kli Smalkanka 15:15

Âmya lap tikaia apia, man sin Idsip ra alba kapram ba, bara Dawan Gâdkam pri lâka maikan, baha mita nanara yang naha adarka maikisni.

Kli Smalkanka 4:7

Kan, ¿nisan tara bâra sa ki ai gâdka nani ai lamara bri ba, yawan wan Dawan Gâdka wan lamara bri ba baku yawan bui witin ra winisa piua ra?

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.