1 Kronikas 16:42 - DAWAN BÎLA AISKA

⁴² Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

1 Kronikas 16:42 ပူးပေါင်းရင်းမြစ်များ

1 Kronikas 15:17

Libait nani wina sakan ba: Hemán, Joel luhpia ba, baku sin Asaf, Berequías luhpia ba, Hemán taika ba; Merarí taika nani wina, kainara kata taika nani wina, Etam, Cusaías luhpia ba;

1 Kronikas 25:3

Jedutún luhpia matlalkahbi nani ba: Guedalías, Serí, Aiseya, Simí, Hasabías bara Matatías. Witin nani tâ bri kan ba lika aisika Jedutún, witin bui dahra aisi smalki wi kan, arp kangbia ni Dawan ra tingki wih mayunaia dukiara.

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Lawana Nani 84:10

¡Kanra yamni sa, yu kum bâra kaia, man wamtla kutbanka ba ra; yu tausin latara kaia ba wal! Brin ai daukisa Gâdki tempelka ra aihwaki kaia, watawikira nani pliska ra bâra kaia ba wal.