1 Kronikas 16:41 - DAWAN BÎLA AISKA

⁴¹ Baku sin witin nani wal swin, Hemán, Jedutún bara wala nani wahbi sakan kata ba naku aiwanaia dukiara: “Dawan ra tingki wi banhs, kan ai latwanka lâka ba ban kaia ra sa.”

1 Kronikas 16:41 ပူးပေါင်းရင်းမြစ်များ

1 Kronikas 12:31

Manasés kiamka wina bakriki prais, 18,000 ridi daukan kata, wih Debit ba king mangkaia.

1 Kronikas 15:17

Libait nani wina sakan ba: Hemán, Joel luhpia ba, baku sin Asaf, Berequías luhpia ba, Hemán taika ba; Merarí taika nani wina, kainara kata taika nani wina, Etam, Cusaías luhpia ba;

1 Kronikas 16:34

“Dawan ra tingki wis witin ba yamni sa bamna ai latwanka lâka ba ban kaia ra sa.

1 Kronikas 16:37

Baku bamna, Gâd wal lâ daukan watla ba mawan tani ra, Debit bui swin Asaf bara witin wal tauki uplika nani witin nani bahara ban wark dauki kabia, yu bani dîa brin dauki ba kat.

1 Kronikas 6:33

Ai luhpia nani aikuki bâra kan ba lika naha nani kata: Quehat kiamka nani wina, aiwawanra Hemán ba, baha ba Joel luhpia kan, witinka na Samuil luhpia kan,

2 Kronikas 20:21

Bara tawan ra tânka plikan ningkara, aiwawanra nani kum kum mangkan kata, holi kwalka nani dingkan, suldiar nani kainara wapaia; bara lawana aiwani Dawan ra mayunaia: “Dawan ra tingki wis, kan ai latwanka lâka ba ban kaia ra sa.”

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

2 Kronikas 7:3

Israel luhpia nani sut, pauta klauhan bal iwan ba kaikan bara Gâd prana ba sin kaikan, Gâd watla purara bal iwan ba kaikan, ningkara witin nani sut ai lal makupan tasba kangbaia baila ai mawan nani ba, bara Dawan ra ai pura suni banhwan naku aisi: “Witin ba yamni sa, bara ai kupia latwanka lâka ba ban kaia ra ban sa.”

Esdras 3:11

Upla tila nani Dawan ra aiwani mayuni kan, bara wala nani lika wini aisi kan: “Dawan ra tingki wis, kan witin ba yamnikira pali sa, witin lika Israel dukiara ai kupia swapnika ba ban kaia ra ban sa bamna.” Bara upla nani sut ba Dawan ra wini ai kupia aiska ni mayuni kan, Dawan watla playka nani ba bapi kan ba liliaka.

Esdras 8:20

Bara tempel ra wark dadaukra nani tila wina, Debit mita saki mangkan nani ba, bara Libait nani ra hilp munaia mangkan tâ uplika nani ba 220 kan, baha nani witin pali bui mangkan kata.

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 106:1

¡Dawan nina ba mayunan kabia! Man nani bui Dawan ra tingki wis, kan witin ba yamni sa bamna, ai latwanka lâka ba ban kaia ra ban sa.

Lawana Nani 136:1

Man nani, Dawan ra tingki wis; kan witin ba yamni sa, ai latwanka lâka ba ban kaia ra ban sa bamna.

Lawana Nani 39:1

Yang wîri rayaki yabalka na main kaiki kaia, bara yang twisi ni saura daukaia apia wîri, uni nani ra wilkaika kum ni wilkamni, upla watawikira nani ba, yang maiwanra bûi ban sa bamna.

Lawana Nani 77:1

Gâd ra bîli baikra karna saki winisni, witin ai walbia dukiara.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Isikiel 40:44

Tempel kutbanka ba bilara, sakuna get nani bilara ba bîla lika, lata tani ra, rum wâl bâra kan, kum ba yahbra tani getka ba lamara kan, wala ba waupasa tani getka lamara, baha durka wina yahbra tani ra kaiki kan.

Kulki Kaikanka 1:17

Bamna baha waitnika nani sika Moses bara Eran wal mita wahbi sakan ba nina nani ba.

Luk 1:50

Bara piu bani baha nani witin ra sibrin luki nani ra umpira kaiki kabia.