1 Kronikas 16:31 - DAWAN BÎLA AISKA

³¹ ¡Kasbrika pura bara tasba ba sin lilia takbia! Kiamka wala nani ra wibia: ‘¡Dawan ba king sa!’

1 Kronikas 16:31 ပူးပေါင်းရင်းမြစ်များ

1 Kronikas 16:30

¡Tasba aiska, witin ai mawanra tatatwi kabia! Witin bui tasba bapan, nikwan kaia apia dukiara.

Lawana Nani 145:1

Yang lika man karnikam dukiara aisamni, yang Gâdki bara yang Kingki; ninam ba mayunamni ban kaia ra ban.

Lawana Nani 19:1

Kasbrika pura ba, Gâd prana ingnika dahra aisisa; purara walpa sangnika ba sin, witin mita daukanka ba wan maisa pakisa.

Lawana Nani 47:8

¡Dawan sika nisan nani kingka ba! ¡Dawan sika ai iwaika holikira ra iwi ba!

Lawana Nani 89:5

Man Dawan, kasbrika purara nani ba sut, man kasakkam lâka bara diara aihka daukram ba dukiara mamyuni banhwisa.

Lawana Nani 96:10

Nisan nani ra wis: “¡Dawan ba king sa!” Tasba aiska ba bapan sa, nikwaia apia dukiara; witin bui upla nani lâka daukbia kasakka lâka ra.

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Lawana Nani 98:4

Gâd ra liliakira aiwans, tasba ra iwi nani ba sut; lilia lâka aiska mariki, witin ra lawana nani aiwani bas.

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 2:10

Sakuna insal ba bila: “Man nani si bripara, kan yang bui man nani ra sturi pain kum mai wiaia balri, naha na upla sut mapa ra lilia tara kabia.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.