1 Kronikas 15:29 - DAWAN BÎLA AISKA

²⁹ Gâd lâka auhbaia watla ba Debit Tawanka ra wan bara; Saúl luhpia mairin Mical ba windarku taki kaikan, king Debit ba liliakira srutwi puli kan ba, bara witin baha dukiara saura luki kaikan.

1 Kronikas 15:29 ပူးပေါင်းရင်းမြစ်များ

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

1 Kronikas 17:1

Bamna Debit pat king watla ra takaski kan ba piua ra, prapit Natán ra win: —Kaiks, yang lika yalam dusa ni paskan watla ra iwisna, ban sakuna Gâd lâka auhbaia watla ba kwala ni daukan watla ra sa.

Lawana Nani 149:3

Ai nina ba mayunan kabia dans puli ba wal, witin ra aiwans arp puli bara drum puli kira.

Lawana Nani 150:4

¡Witin ra mayuns lilia dans puli kira! ¡Drum sirpi bara singbi kira ni! ¡Witin ra mayuns plut puhbi, bara awa bri nani ba kira!

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Impakan Sturka 15:20

Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Smasmalkra 3:4

Inaia piua bâra sa, kikaia piua sin bâra sa. Sari briaia piua bâra sa, lilia yua sin bâra sa.

Jirimaya 3:16

Ani yua man nani upla ailal pali kuntrikam ra sauhkma, bara luhpiam nani ailal pali brima ba ra, upla kumi sin kli Dawan lâka auhbaika watla ba dukiara aisabia apia; upla kumi sin bahara luki kabia apia, baha dukiara sin kli kupia krawbia apia; baha sin want apia kabia, raya wala sin paskbia apia. Yang, Dawan, mai wisna.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Apastil Nani Sturka 2:13

Sakuna upla wala nani lika lawaska kiki, aisin: —¡Naha uplika nani lika bla atia sa!

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

2 Korint 5:13

Bamna yang nani na tanis atia sna kaka, baha lika Gâd dukiara ba mita; bara tanis apia banhwisna kaka, baha lika man nani dukiamra.

Kli Smalkanka 31:26

“Naha lâka wauhkataya na man nani bris, bara Dawan Gâd kum lâka auhbaia watla lamara swis, witnis baku kabia man nani mampa ra.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.

Jasua 4:7

bara man nani bui witin nani ra wima: ‘Yu kumi kan Dawan lâka auhbaia watla ba Jordan awala bâk brih twilki luan bara lî ba lâ auhbaia watla ba mawan lilak tar baiki lâkan kan, baikanka wâl daukan. Bara naha walpaya nani na, baha takan ba dukiara luki Israel luhpia nani wan kupia krauki kabia nâra bri balan ba.’ ”

Wihta Nani 20:27

Baha yua nani ra, Dawan lâka nani auhbaia watla ba Betel ra kan, bara prîs aimaki kan ba Finees, Eleazar luhpia bara Eran mulika. Bara Israel luhpia nani ba kli Dawan ra ai pura suni makabi walan: “¿Yang nani na kli wan muihni nani Benjamín kiamka nani ba wal aiklabaia waia sna ki, apia kaka puri luan ba ra wisi ba kat swiaia sna ki?” Bara Dawan bui witin nani ra win: “Man nani kli wih aiklas, yauhka yang bui man nani ra pura luaia karnika na maikamna.”

1 Samuil 25:44

Saúl ai luhpia mairin Mical Debit maya kan ba, Paltí ra yan, Lais luhpia, Galim wina kan ba.

1 Samuil 4:3

Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”