1 Kronikas 15:18 - DAWAN BÎLA AISKA

¹⁸ baha purkara kainara kan taika nani wina sin sakan, wark dadaukra nani ningka dingki ra kulkanka bri ba: Sakaraya, Jaaziel, Semiramot, Jehiel, Uní, Eliab Benaías, Maaseías, Matatías, Elifelehu, Mecneías bara dur main kakaira nani Obed-edom, Edom bara Jeiel.

1 Kronikas 15:18 ပူးပေါင်းရင်းမြစ်များ

2 Samuil 6:10

Bara Dawan lâka auhbaia watla ba Debit Tawanka ra brih waia apia lukan bamna, adar yan Gat wina waitnika Obed-edom watla ra brih waia.

2 King Nani 7:10

Bara witin nani balan bara tawan dimaika ra aihwawakra nani ra winan, bara witin nani ra win: —Yang nani Siria uplika nani kiampka ra wari upla kumi sin âpu kan bahara, sakuna upla sin aisaras sa, ban sakuna aras nani ba lika wilkan ba kat sa, biriku nani ba sin wilkan ba kat sa, bara twilkaia watla nani ba dîa dîa bâra kan ba, baha kat ban sa upla kangbras.

1 Kronikas 13:14

Bamna kati yumhpa Dawan bakska ba Obed-edom watla ra swin kan, bara Dawan bui Obed-edom watla uplika nani sut ra yamni munan, ai dukia nani sut ra sin.

1 Kronikas 15:17

Libait nani wina sakan ba: Hemán, Joel luhpia ba, baku sin Asaf, Berequías luhpia ba, Hemán taika ba; Merarí taika nani wina, kainara kata taika nani wina, Etam, Cusaías luhpia ba;

1 Kronikas 15:19

Aiwawanra nani Hemán, Asaf bara Etam lika, bras plitka nani ba ni bin daukaia witin nani ai warkka kan.

1 Kronikas 15:20

Sakaraya, Aziel, Semiramot, Jehiel, Uní, Eliab, Maaseías bara Benaías, witin nani sut lika gitar tara nani bri kata, Elam uplika nani kangbi ba baku kangbaia,

1 Kronikas 15:21

bara Matatías, Elifelehu, Mecneías, Obed-edom, Jehiel bara Azazías lika tramhtram awa matawalsip ba bri kan, siminita nani kangbras ba kangbaia dukiara lawana aiwanaia tâ bukaia piua ra.

1 Kronikas 16:38

Baku sin Obed-edom ba sin bahara swin, witin wal tauki uplika nani wina 28 nani, Obed-edom wal, Jedutún luhpia, bara Hosá, baha nani ba dur aihwawakra nani baku.

1 Kronikas 24:25

Isías, Micaías muihnika; Sakaraya, Isías luhpia;

1 Kronikas 26:15

Waupasa tani ba Obed-edom mihta ra mangkan kata, bara ai luhpia nani mihta ra mangkan ba lika dîa dîa plun nani tempel ra ba main kaikaia.

1 Kronikas 26:4

Obed-edom luhpia nani ba: almukka ba Semaías; ningka ba Jozabad; yumhpika ba Joah; walhwalka ba Sacar; matsipka ba Natanael;

1 Kronikas 26:8

Naha nani sut na lika Obed-edom kiamka nani kata, bara ai lupia nani bara ai muihni nani sin kulkanka bri kan; witin nani ai warkka nani ba bui mariki kata, Obed-edom kiamka nani ba asla 62 kata.