1 Kronikas 15:14 - DAWAN BÎLA AISKA

¹⁴ Bamna Dawan, Israel Gâd lâka auhbaia watla ba brih waia dukiara, prîs bara Libait nani sut sunu taki banhwan.

1 Kronikas 15:14 ပူးပေါင်းရင်းမြစ်များ

1 Kronikas 15:12

bara witin nani ra win: “Man nani ba Libait taika nani lalka nani sma, lâ ba kat sunu taki banhs tamya nani sut aikuki; baku mika sip kabia Gâd lâka auhbaia watla ba brih balaia, Israel Gâdka ba, baha pliska ridi daukri ba ra.

1 Kronikas 15:15

Libait luhpia nani bui Gâd lâka auhbaia watla ba dus nani dingki, ai pahpaya ra twilki brih balan, Dawan bui dîa Moses ra win ba kat.

2 Kronikas 29:15

Tâura witin ai taya nani asla daukan, bara sut klin taki banhwan; baha ningkara tempel ra diman nahki sunu takaia dîa king lâ mangkan ba kat, bara dîa Dawan win ba baku daukaia.

2 Kronikas 29:34

Sakuna prîs nani ba ailal apia kan bamna, daiwra aiska angkaia taya nani ba sut sip sakras bamna, muihnika Libait nani ba sin hilp munan warkka ba danh daukaia, prîs wala nani ba wih klin taki balan ba kat; Libait nani ai tânka marikan witin nani kau ridi klin kan prîs nani ba wal.

2 Kronikas 5:11

Bara prîs nani ba, holikira Pliska ba wina takan ba ra, witin nani sut ba kau holikira takan kata bara kli ai piua kat aihwakras kan.

Nihimaya 12:30

Bamna prîs nani bara Libait nani ba sut sunu taki banhwan, baha purkara tawan uplika nani sin, dur nani bara walpa kutbanka ba sut sin sikbi sunu daukan.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.