1 Kronikas 13:5 - DAWAN BÎLA AISKA

⁵ Gâd lâka auhbaia watla ba Quiriat-jearim wina brih balaia dukiara, Debit Israel luhpia nani sut asla daukan, Sihor wina Idsip tasbaya pîska un tani ba wina sin.

1 Kronikas 13:5 ပူးပေါင်းရင်းမြစ်များ

2 Samuil 6:1

Bara Debit kli aiklaklabra nani sut Israel ra bâra kan ba pliki 30,000 asla daukan,

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

1 Kronikas 13:4

Upla sut aitani lukan baku daukbia ba, kan dîa win ba upla sut yamni lukan.

1 Kronikas 13:6

Ningkara Israel luhpia nani sut witin wal aikuki Quiriat-jearim ra uli wan, nina wala sin bri kan baha lika Baalá, baha ba Juda ra sa, baha ba wina Gâd lâka auhbaia watla ba saki brih waia kan. Baha ninara sika Dawan ra wini kan ba, ai king iwaika ba kirubin nani purara bri ba.

1 Kronikas 15:3

Ningkara Israel luhpia nani sut Jerusalem ra asla daukan, Gâd lâka auhbaia watla ba pliska ridi daukan ba ra brih waia dukiara.

Aiseya 23:3

lî tara purak lui. Witin nani diara bri ba kau pura praki saki kan, mâ nani Sihor dâki kan ba brin, Nilo awala dâkan kan ba brin, baha ni nisan nani sut aikuki pana pana atki kan.

Jirimaya 2:18

Bamna nanara, ¿dîa brinka brisma Idsip ra waia Nilo awala wina lî diaia? ¿Dîa brinka brisma Asiria ra waia Éufrates awala wina lî diaia?

Jasua 9:17

Bara witin nani baha uplika nani ninara nina bliki taki wan. Yu yumhpa wapan bara tawanka nani ra wan, baha nani sika: Gabaón, Quefirá, Beerot bara Quiriat-jearim kat wih diman.

1 Samuil 6:21

Bara witin nani Quiriat-jearim uplika nani ra kli ai bîla blikan bara win: “Dawan lâ aubaia watla ba filisteo nani kli bri balan; bamna man nani bal brih was.”

1 Samuil 7:1

Bamna Quiriat-jearim uplika nani ba Dawan lâ auhbaia watla ba brih wan, bara Abinadab watla ra dingkan, baha lika il kum ra kan; baha ningkara ai luhpia waitna Eleazar ba yamni munan bara ark ba ai mihta ra mangkan main kaiki kaia.

1 Samuil 7:2

Mani 20 Dawan lâ auhbaia watla ba Quiriat-jearim ra takaski bri kan, bara baha piua sut ra Israel luhpia nani Dawan ra ai hilpka makabi pliki kan.