1 Kronikas 12:40 - DAWAN BÎLA AISKA

⁴⁰ Baha purkara tawan nani lamara banhwi kan nani ba, ban sin Isacar, Zabulón, Neftalí bui sin plun nani bri si yabi kan, biriku, kiamil, muyul, bîp bul nani ra plun nani sât sât suni bri si yabi kan, plawar, kwah damni turtika, wain lâwan, batana, bîp bul nani bara sîp nani kwahki kan, kan Israel ra uya lilia lâka kan ba mita.

1 Kronikas 12:40 ပူးပေါင်းရင်းမြစ်များ

2 Samuil 16:1

Debit il bahna ba wina wiria ai kanra lui wan ba ra, kaiks Sibá, Mefi-bóset albika, bahara taki balan witin wal prawaia. Biriku wâl mahka impakaia daukan, brit nani 200, wain mâ lâkan wina turtiya daukan 100 kum, dus mâ nani 100 kum, bara wain daiwan taya batilka kum, baha sut prahki bri aula kan.

1 King Nani 1:40

Baha ningkara upla nani witin ai nina bliki wan, bara upla nani plut puhbi aiwani banhwi kan. Lilia tara pali sin dauki banhwi kata, upla nani wini yahwi kan ba mita, tasba sin ai mâyara slakwi baku kan.

2 King Nani 11:20

bara naha tasbaya uplika nani aiska ba ai lilia brih banhwan. Bara tawanka ba lamni pali iwi kata, kan Atalía ba king watla bîla kat sord ni ikan kan ba mita.

1 Kronikas 12:39

Witin nani bahara Debit wal kan yu yumhpa, plun pi diara sin di kan, kan ai muihni nani bui ridi daukan kan ba mita.

1 Kronikas 13:1

Debit war wihtka nani bara tâ brabrira nani sut aikuki aisi kaikan, wibia kaka war lalka tara nani sut aikuki.

1 Kronikas 29:22

Bamna baha yua ra di bara pi banhwan Dawan mawanra. Baha ningkara Debit luhpia Salaman ba kli aima wala ra king mangkan, bara Sadoc ba prîs mangkan.

Sins Lâka 11:10

Kasakkira nani mapara diara pain auya ba ra, tawan ba ai âuyapah kira takisa; bara watawikira nani tanis tiwi ba ra, upla nani lika lilia pali pulisa.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Oseas 3:1

Dawan kli bal ai win: “Man was bara mairin kum ra laik taks, pâmnika mairka pali, bara ai maya nakra praprakra ba. Dawan bui Israel luhpia nani ra baku latwan kaikisa. Witin nani bui kakaira apia uplika nani gâdka ra wan sakuna, bara dus mâ lupia nani, lâki muni britka yaban pîsa.”

1 Samuil 25:18

Abigail aihni plapi brit 200, wain taya batilka wâl, sîp wîna angkan matsip, aya kâkan batil 40, turtiya wain mâ wina ba 100 kum, turtiya kwah damni mâ lâwan ni daukan ba 200, bara baha sut brin bara biriku kum ra prahkan,