1 Kronikas 12:38 - DAWAN BÎLA AISKA

³⁸ Naha war waitnika nani sut ba, war aiklabaia natka kat ridi taki witin nani sut Hebrón ra aidrubi wan, ai kupia aiska luki kira, Debit ba Israel aiska purara king mangkaia; Israel uplika wala nani ba sut sin, baku lukanka bri banhwi kata.

1 Kronikas 12:38 ပူးပေါင်းရင်းမြစ်များ

1 King Nani 11:4

Bara Salaman ba pat almuk takan kan, bara ai mairka nani bui munan ai kupia laki gâd bahki nina blikan, baha mita ai kupia aiska ba Dawan ai Gâdka ra yaras kan, ai papika Debit daukan ba baku.

1 King Nani 8:61

Baku bamna kupiam ba kasak bris, Dawan wan Gâdka wal, bara dîa lâ mangkan ba alki brih dauks, bara bîla sin wawalra bas naiwa yua na baku.”

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

1 Kronikas 12:33

Zabulón kiamka wina 50,000 waitna nani, war aiklabaia dukia sât sât bri ba kasak pali wilin luki ba Debit ra tâ baikaia.

1 Kronikas 12:37

Baha purkara, Jordan baila wala ba wina, 120,000 waitna nani, Ruben, Gat, bara Manasés kiamka bakriki ba wina, war aiklabaia dukia sât sât brih ridi takan.

1 Kronikas 12:39

Witin nani bahara Debit wal kan yu yumhpa, plun pi diara sin di kan, kan ai muihni nani bui ridi daukan kan ba mita.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

Lawana Nani 101:2

wapni wapi nani aikuki iwaia brin ai daukisa. ¿Ahkia yang ra balma? Yang wapanki ba tâski âpu kabia king iwaika watla pali ba ra sin;

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Isikiel 11:19

Yang bui kupia karna walpa baku ba sakamni, bara kupia raya kum yabamni bara spirit raya kum sin yabamni.