1 Kronikas 12:21 - DAWAN BÎLA AISKA

²¹ Naha nani bui sika Debit ra hilp munan, war aiklaklabra tâura aimaki; kan witin nani sut ba, war uplika kupia karnira nani kan, baha purkara war aiklaklabra nani wihtka nani kata.

1 Kronikas 12:21 ပူးပေါင်းရင်းမြစ်များ

1 Kronikas 11:10

Naha nani sika Debit war aiklaklabrika kau yamni nani kan ba, kingka lâka tâ baiki kan ba Israel luhpia nani sut aikuki, asla king mangkaia dukiara, Dawan dîa aisin ba kat.

1 Kronikas 12:20

Manasés kiamka wina waitna nani Debit wal asla takan kan ba, bara wal aikuki Siclag ra wan ba naha nani kata: Adná, Jozabad, Jediael, Micael, Jozabad, Elihú bara Siletai witin nani ba Manasés war aiklaklabrika nani wihtka tara nani kan.

1 Kronikas 5:24

Ai pamalika lalka nani kan ba naha nani kata: Éfer, Isí, Eliel, Azriel, Jirimaya, Hodavías bara Jahdiel, baha nani sut ba war waitnika kupia karnira nani kan, upla ailal bui kulkanka yabi kan bara ai kiamka nani lalka sin kan.