1 Kronikas 12:18 - DAWAN BÎLA AISKA

¹⁸ Bara Amasai, 30 nani lalka ba, spirit witin nani ra iwan bara winan: “¡Debit, Jesé luhpia, kupia kumi lâka kabia man ra! ¡Kupia kumi lâka ba ban man wal kabia! ¡Kupia kumi lâka man ra bara baha nani hilp mai muni nani ba ra sin, kan Dawankam ba man ra tâm baikan sa!” Debit baha nani ba yamni brin bara war aiklaklabra daknika nani lalka tilara brin.

1 Kronikas 12:18 ပူးပေါင်းရင်းမြစ်များ

2 Samuil 15:21

Itai king ra win: —Dawan ra bara king tara ra sin swer takisna, ani anira king tara wabia ba, raya kabia kra, prubia kra sin, sakuna dukiam dadaukra na man wal bâra kabia.

2 Samuil 17:25

Amasá ba Absalón bui aiklaklabra tâura mangkan, Joab watlika ra. Amasá aisika ba Ismael uplika kum, nina ba Itrá, witin ba Abigail wal yapan kan, witinka ba Nehas luhpia mairin bara Seruiá muihnika, Joab yaptika ba.

2 Samuil 19:13

Baha purkara, Amasá ra sin wibia win: “Man ba sin yang wal taiya bara tâilia sma, bamna naiwa yua wina wan kanra man ba aiklaklabriki nani sut wihtka kama, Joab watlika ra. Bîli kat yang bui man wal daukras kamna kaka, Dawan bui klala karna aikbia.”

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 King Nani 9:22

Ban sakuna, Salaman bui Israel luhpia nani kumi ra sin yan alba baku wark takras kan, sakuna baha nani ba war waitnika nani kan, alba nani ba lalka nani kan, wagin nani lalka, apia kaka war araska âiulra nani kata.

2 King Nani 10:15

Baha ningkara Jehú baha wina mahka wan. Kau wiria wan ba ra, Jonadab, Recab luhpia wal prawan, witin Jehú kaikaia wan kata. Jehú bui ai lakula wih, bara witin ra win: —¿Man lukankam ba pain brisma yang tani, yang bui man ra lukisna ba baku? —Baku sa —Jonadab win. —Ban kaka, mihtam ba aik —Jehú mita win. Jonadab mita Jehú lakula win ba ra, Jehú ai waginka ra suni brih wan,

2 King Nani 10:5

Bara king watla main kakaira ba, tawan wihtka tara ba, almuk nani bara smasmalkra nani ba sut mita Jehú ra ai bîla bliki, win: “Yang nani lika man adarkam bri banhwisna, bamna dîa dîa sut ai wima ba, yang nani daukamna. Upla kumi ra sin yang nani king saki mangkamna apia. Bamna man dîa daukaia lukma ba dauks.”

2 King Nani 9:32

Bara Jehú ai nakra windar tani ra kaikan bara win: —¿Ya yang wal nâra sa ki? Bara wihta wâl, apia kaka yumhpa bal, witin ra biki kaiki kan.

1 Kronikas 11:11

War aiklaklabra kau pain nani Debit bri kan ba kulkan nina ba: Jasobeam, Hacmoní luhpia, kau kupia karnira nani yumhpa kan ba lalka, piu kum ai langsika ni waitna 300 ikan.

1 Kronikas 12:17

Debit bûi taki wan wal prawaia, bara win: “Man nani ba yang ra balram sa kupia kumi dukiara; bara tâi baikaia, baku sa kaka, kupi aiska ni mai brisna bal yang wal asla taks; sakuna kunin ai muni waihli nani mihta ra ai mangkaisma kaka, yang pali bui diara saura kumi sin daukras sna, ¡wan almukka nani Dawanka bui baha ba kaiki bara klala yabia!”

1 Kronikas 2:17

Abigail luhpia kum baikan nina ba Amasá, ai aisika ba Jéter, Ismael kiamka wina kan.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Sakaraya 8:23

Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”

Matiu 12:30

“Ya yang hilpki ra apia ba, yang maipara sa; bara ya yang wal wahbras ba, yakabisa.

Galesha 6:16

Bamna, baha smalkanka kat dauki nani ba sut, kupia kumi lâka bara umpira kaikan lâka bri kabia, bara Gâd uplika pali nani ba sin bribia.

Wihta Nani 13:25

Yu kumi Samson Dan kiampka ra kan, baha ba Sorá wihki Estaol wal lilapas ra bâra kan, bara Dawan spiritka mahka witin ra param taki kan.

Wihta Nani 3:10

Dawan spiritka ba Otoniel ra balan, bara Israel luhpia nani ba asla dauki, war aiklabaia taki wan; war aiklabaia wan ba ra, Dawan bui witin nani ra tâ baikan Cusán-risataim pura luan.

Wihta Nani 6:34

Sakuna Dawan spiritka ba Gedeón ra aiska diman, bara witin sîp aringka kum brih puhban, Abiézer masraka nani sut bal asla takbia dukiara;

Rut 1:16

Sakuna Rut bui Noemí ra tawi win: —¡Yang na man wal dakwi takaia ai wipara! Man anira wama kra, yang sin man wal wamna; bara man anira wih iwma kra, yang sin bahara iwamna. Man uplikam nani ba yang upliki kabia, man Gâdkam ba yang Gâdki kabia.

1 Samuil 16:4

Dîa daukaia Dawan bui win ba Samuil baha daukan. Bara witin Betlehem ra wan ba ra, tawan almukka nani ba ai lakula wiaia bal takan, sakuna witin nani sibri kan, bara witin ra makabi walan: —¿Man kupia kumi lâka brih aulma ki?

1 Samuil 16:5

Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.

1 Samuil 22:7

Saúl wihta tara nani ra win: —Benjamín waitnika nani, yang ra wals: ¿Man nani lukisma Jesé luhpia ba tasbayam bara wainkam nasla nani maikbia, bara man nani sut sin wihta tara nani, kiaptin nani mai mangkbia ki?

1 Samuil 24:12

¡Dawan bui yawan wal wan lâka ba daukbia, witin bui king ra pana munbia! Yang bui daukaia sna ba lika, mihti bukamna apia pali king tara ba mapara.

1 Samuil 24:13

Wan damika nani aisinka kum ba naku wisa: ‘Watawika lâka ba, watawikira nani wina sa’; ba mita yang pali lika king tara ra mihti bukamna apia.

1 Samuil 24:16

Debit aisi swin ba ra, Saúl alai winan: —¡Man pali sma ba, luhpi Debit, ai aisisma ba! Bamna Saúl mahka inan,

1 Samuil 8:12

Tila nani ba 1,000 lalka kaia mangkbia, baku sin 50 nani lalka kaia sin mangkbia. Insla dadaukra daknika sin bribia, war ra aiklabaia dukia nani paskaia daknika sin sâkbia.