1 Kronikas 10:14 - DAWAN BÎLA AISKA

¹⁴ Dawan wal aisaia kan ba watlika ra. Baha mita Dawan bui rayaka ba mahka sakan, bara king lâka ba Jesé luhpia Debit ra yan.

1 Kronikas 10:14 ပူးပေါင်းရင်းမြစ်များ

2 Samuil 5:3

Naku natka ra, Israel almukka nani sut Hebrón ra wih king Debit ra aisin, bara Debit lika witin nani wal lâ kum daukan, Dawan ai witniska baku brin. Bamna witin nani Debit ra yamni muni Israel kingka mangkan.

1 Kronikas 12:23

Naha nani sika war waitnika nani, war aiklabaia Debit wal asla takan kan ba Hebrón ra, Saúl kingka lâka Debit ra laki yaia dukiara, Dawan aisanka ba kat.

1 Kronikas 17:13

Yang lika witin aisika kamna, bara witin ba yang luhpi waitna kabia. Umpira kaikisna lâka ba, witin pura wina sakamna apia, man kainamra kan uplika ra daukri ba baku,

1 Kronikas 2:12

Booz ba Obed aisika kata, Obed ba Jesé aisika kata,

2 Kronikas 16:12

Asá 39 mani king kan, bara baha manka ba mina ra siknis saura pali alkan, sakuna witin Dawan plikras, daktar nani ra baman wan.

Sins Lâka 17:13

Yamni ba mana saura ni yabi uplika ba, saura ba witin ai watla wina takbia apia.

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Aiseya 10:7

Sakuna Asiria kingka ai lukanka ra baku lukras kabia kra, baku daukaia ai kupia ra luki paskras kabia sin, sakuna ai lukanka ra dimbia, nisan nani manis ba klaki âpu daukaia.

Jasua 9:14

Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

1 Samuil 13:14

Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 16:1

Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 28:17

Dawan bui yang ra ai win mai wîri ba baku, witin bui man wal daukan. King lâka ba man wina dakbi sakan, bara uplikam Debit ra yan.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.