1 Korint 9:19 - DAWAN BÎLA AISKA

¹⁹ Upla kumi sin albika apia sna sakuna, upla sut albika takri sa, upla kau ailal Kraist ra bri balaia dukiara.

1 Korint 9:19 ပူးပေါင်းရင်းမြစ်များ

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Matiu 18:15

“Muihkam mita mampara saura yabia kaka, wal mânkam aisi, ai saurka ba latan mariks. Bîlam walbia kaka, muihkam ba pat kupia alkram sa.

Roman 1:14

Baha ba yang bui upla sut ra daukaia sna, sins lâka bri nani ra bara sins lâka aitani briras nani ra, diara tânka bri nani ra bara diara tânka briras nani ra sin;

Roman 11:14

Brin ai daukisa yang nisanki pali wina, tila ba man nani daukisma ba baku daukbia, bara baku witin nani sin swaki sakan kabia.

Roman 15:2

Yawan kumi bani wan muihni kupia lâka daukaia sa, witin ba pain kabia dukiara bara kasak lukan lâka ra sin pâwbia dukiara.

1 Korint 10:29

Yang aisisna na lika man lukankam dukiara lika apia, sakuna uplika ba lukanka dukiara. Sakuna upla kum makabi walaia sip sa: “¿Dîa kan yang pri lâika ba, upla wala kupia dahra walras, lâka aisi daukaia sa ki?

1 Korint 10:33

Yang daukisna ba baku dauki bas: yang lika dîa dîa daukisna ba ra upla nani dîa lihki ba kat daukaia trai kaikisna; yang painki plikras, sakuna upla wala nani painka lika, witin nani swaki sakan kabia dukiara.

1 Korint 7:16

Man, maya mairin kristian sma ba, ¿nahki kaikisma mayam waitna ba swaki sakaia sip sma sapa? Man, maya waitna kristian sma ba, ¿nahki kaikisma mayam mairin ba swaki sakaia sip sma sapa?

1 Korint 9:1

¿Yang na pri sna apia? ¿Yang na apastil sna apia? ¿Yang na Jisas wan Dawan ba kaikri apia? ¿Yang Dawan wal wark takri mâ nani ba man nani apia?

2 Korint 12:14

Nanara yang pat ridi sna man nani wih mai kaikaia bara naha kat aima yumhpa kabia, bara man nani mampara karban wirha kumi baku kamna apia. Kan dîa dîa brisma ba lika plikamna apia, kuna man nani pali ba mai pliki kamna; bamna aisa nani sika lalah nani apahki briaia sa ai luhpia nani dukiara, luhpia nani lika apia.

2 Korint 4:15

Naha diara nani sut na baku takan sa, man nani hilpkam kaia ba mata, baha mita upla manis Gâd wina yamnika bri nani ba, baha wina manis mita sin tingki wibia, Gâd prana daukaia dukiara.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,