1 Korint 9:17 - DAWAN BÎLA AISKA

¹⁷ Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

1 Korint 9:17 ပူးပေါင်းရင်းမြစ်များ

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

1 Kronikas 29:5

Gul ba ni diara nani gul wal dauki nani daukaia, silbar ba diara nani silbar wal daukaia dukiara, bara wark nani wan mihta wal daukaia dukiara sin yâri. ¿Bamna ya naiwa Dawan ra ai kupia aiska ni diara yabaia lukisa ki?”

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

Nihimaya 11:2

Bara tawan uplika nani mita yamni munan, baha waitnika nani witin nani silp ai kupia pali Jerusalem ra iwaia wilinkira takan bamna.

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Matiu 10:41

Ya ya prapit kum ra Gâd wina aula wisi pain bribia kaka, prapit bribia prisantka ba witin nani sin bribia; bara ya upla kasakkira kum ra pain ba ra wisi pain bribia kaka, waitna kasakkira ai prisantka bribia baku witin sin bribia.

Matiu 24:25

Kaiks, naha sut man nani ra kaina manis wina mai wîri sa.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Jan 4:36

Insla mâ kriki uplika ba ai mana brisa, bamna insla mâ wahbisa raya ban kaia ba briaia, bara baku lika mâ mangki ba bara mâ kriki ba wâlsut lilia kabia.

1 Korint 3:14

Ani uplika utla tara mâkan ba, pauta klauhan ba mapara ban bapi bubia kaka, witin lika ai mana bribia.

1 Korint 3:8

Mangki uplika nani ba wih lî laiki nani ba wal kumi sa; sakuna Gâd mita kumi bani ra ai warkka daukan ba kat ai mana yabia.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

1 Korint 9:18

Baku bamna, maina brisna ba lika swaki sakan sturka mana luha smalkisna wina bara sin lilia brisna ba; smasmalkra warkka wina, diara briaia lâka brisna ba wina, diara kumi sin sakras kira.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

Galesha 2:7

Smalkanka raya aikaia kan ba watlika ra, witin nani kaikan Gâd swaki sakan lâka ba, Ju apia uplika nani ra brih wamna wisi adar aikan, baha sim smalkanka Ju nani ra brih wabia wisi, Pita ra adar yabata ba baku.

Kolosi 1:25

Yang lika nanara Gâd mita serts napakanka ai daukan sa, witin mita baha warkka daukamna wisi aikan bamna, man nani yamnikam dukiara, Gâd ai dahra smalkanka ba aiska smalkamna dukiara ai mangkan,

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

Pilimon 1:14

Man nahki lukisma sapa tânka walras kira, diara kumi sin daukan ai daukras, baku lika man hilp ai munisma ba, taiban lâka ra kabia apia, kuna kupiam lukra wina kabia.