1 Korint 9:15 - DAWAN BÎLA AISKA

¹⁵ Sakuna aima kumi sin naha lâka nani wina yang brih alkras, bara man nani wina kra diara kum pan aikma sin mai ulbras. ¡Pruaia ni kau pain lukisna! Upla kumi mita sin naha liliaka brisna na mihti wina dakbia apia.

1 Korint 9:15 ပူးပေါင်းရင်းမြစ်များ

Matiu 18:6

“Ya ya naha tuktika lupia nani yang ra luki na yarka saura lâka ra kauhbia kaka, kau pain kabia ai nana ra akbaia walpaya kum wilki, kabu tihuka ra lulkka dimi wabia.

Apastil Nani Sturka 18:3

Witin baha nani wal takaskan kan ba sim warkka dadaukra nani kan, tint watla papaskra kata; bamna witin nani wal takaskan aikuki wark takaia.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 20:33

Yang sin tumras katna, upla wala lalahka kra, kwalka kra dukiara.

Apastil Nani Sturka 20:34

Man nani pain kaikisma, nahki yang pali mihti ni wark takri, yang bara upliki nani aikuki dîa luha kapri ba saki briaia.

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

1 Korint 4:12

bara yang nani mihti ni baman wark taki swapisna. Upla nani mita saura wan wisa, sakuna pana yang nani mita bîla yamni nani wisna. Rau wan sauhki banhwisa, sakuna ban bapi bûi wahwisna.

1 Korint 9:12

¿Upla wala nani mita man nani puramra naku aimakaia sip sa kaka, yang nani kau lâ brisna apia? Baha raitka yang nani brisna ba, baku daukras. Sakuna, naha sut ban twilki banhwisna, Kraist sturka yamni aisi smalkanka ba yabalka prakaia apia dukiara.

1 Korint 9:18

Baku bamna, maina brisna ba lika swaki sakan sturka mana luha smalkisna wina bara sin lilia brisna ba; smasmalkra warkka wina, diara briaia lâka brisna ba wina, diara kumi sin sakras kira.

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

2 Tesalonaika 3:8

Yang nani upla kumi pata sin aibapras piras kapri. Kuna, kakna bara tihmia wark taki banhri, trabil sin takatna, man nani tilam kat karban wirha kumi sin maikaia apia dukiara.