1 Korint 9:14 - DAWAN BÎLA AISKA

¹⁴ Baku sin, Dawan lâ mangkan swaki sakan sturka aisi smalki nani ba, baha warkka wina ai rayaka bribia.

1 Korint 9:14 ပူးပေါင်းရင်းမြစ်များ

Matiu 10:10

sakbat yabalkam dukia sin apia. Prâk kumi bamna brih was, bara sûs bara kîn sin brih wapara; kan wark uplika ra ai pata ba yabaia sa.

Luk 10:7

Sim watla ra takaski banhs, witin nani dîa maikbia ba pis bara dis; kan wark uplika ba ai mana briaia sa. Utla kumi wina wala ra wapara.

Luk 10:8

Ani tawanka ra wama ba ra pain mai bribia kaka, dîa dîa maikbia ba pi bas;

Apastil Nani Sturka 18:3

Witin baha nani wal takaskan kan ba sim warkka dadaukra nani kan, tint watla papaskra kata; bamna witin nani wal takaskan aikuki wark takaia.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

1 Korint 9:11

Bamna, ¿yang nani bui man nani tilamra spirit dukia mâ nani mangkri kaka, diara tara luki banhwisma ki, man nani wina wan wîna dukia nani wiria dâkamna?

1 Korint 9:12

¿Upla wala nani mita man nani puramra naku aimakaia sip sa kaka, yang nani kau lâ brisna apia? Baha raitka yang nani brisna ba, baku daukras. Sakuna, naha sut ban twilki banhwisna, Kraist sturka yamni aisi smalkanka ba yabalka prakaia apia dukiara.

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

1 Korint 9:4

Raitki brisna diara piaia bara diaia aiki ba sin briaia,

2 Korint 2:12

Bamna Troas tawanka ra Kraist sturka yamni smalkaia wari ba ra, bahara piua pain kum briri Dawan sturka smalkaia.

Galesha 6:6

Ani uplika sturi yamni smalkanka lan taki ba, dîa dîa witin bri ba wina ai smasmalkra ra hilp yaia sa.

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.