1 Korint 8:4 - DAWAN BÎLA AISKA

⁴ Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

1 Korint 8:4 ပူးပေါင်းရင်းမြစ်များ

Lawana Nani 86:10

Man baman sika Gâd; man baman tara sma bara diara tara nani daukisma.

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Aiseya 37:20

Bamna yang nani ra, Dawan wan Gâdka, nanara swaki wan sâks karnikam ba ni, witin nani mihta ba wina mamkabisna, bara king tasbaya nani kaikbia man baman Dawan Gâd sma ba.”

Aiseya 41:24

Sakuna man nani sika diara apia, dîa daukaia sin sip apia. Saura kulkan kabia, baha uplika bâk saki mai brin nani ba.

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Mark 12:29

Jisas pana win: —Lâ sut tilara tâura ba lika naha sa: ‘Wals, Israel: Dawan wan Gâdka ba kumi baman sa.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

1 Korint 8:10

Kan man, naha diara nani tânka kakaira sma ba, aidul kum tempelka ra iwi plun pima, bara sinska swapan uplika kum mita mai kaikbia kaka, baha uplika ba sin ai kupia dara walra sibrin âpu brih gâd bahki ra plun yan ba piaia sip sa.

1 Korint 8:11

Bara baku, naha uplika swapan na, witinka ba muihkam bara witin dukiara sin Kraist pruan ba, man diara tânka kakaira sma ba mita tanis tiwbia.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Epesus 4:6

Gâd kumi baman sa upla nani sut Aisika. Witin lika sut purkara sa, diara sut bâk ai warkka daukisa, bara sut ra sin dimi iwisa.

Kli Smalkanka 3:24

‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 6:4

“Wals, Israel: Dawan wan Gâdka ba Dawan kumi sa.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Timoti 2:5

Gâd kumi baman bâra sa, bara Gâd, witin lika upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.