1 Korint 8:12 - DAWAN BÎLA AISKA

¹² Baku bamna, wan muihni nani ai kasak lukan lâka mapa ra swapni banhwi ba kupia dara walra sauhkisma kaka, man nani ba Kraist pali mapara saura daukisma.

1 Korint 8:12 ပူးပေါင်းရင်းမြစ်များ

Blasi Sturka 20:9

Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

Blasi Sturka 42:22

Bara Ruben pana witin nani ra win: —Baha pat yang bui man nani ra mai wîri, tukta ra man nani baku munpara. Sakuna man nani bui yang bîli walras kapram, bamna nanara yawan lika witin ai tâlia mana aibapaia sa.

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Impakan Sturka 32:21

Baha ningkara Eran ra win: —¿Upla nani na mita dîa mai munan kan, naku yaram witin nani saura tara kum dauki banhwan na?

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:21

Bara Pita wih, Jisas ra makabi walan: —Dawan, ¿aima an muihki mita maipara saura daukbia kaka, yang mita ban swih tikaia sna? ¿Aima 7 kat?

Matiu 18:6

“Ya ya naha tuktika lupia nani yang ra luki na yarka saura lâka ra kauhbia kaka, kau pain kabia ai nana ra akbaia walpaya kum wilki, kabu tihuka ra lulkka dimi wabia.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Mark 9:42

“Bamna ani uplika, naha tuktika lupia yang ra luki nani na saura lâka ra batakbia kaka, kau pain kabia witin ai nana ra walpa tara kum wilki, kabu ra lulkka dimi wabia.

Luk 17:2

Kau pain kabia, baha uplika nana ra walpa tara kum wilki kabu ra lulkan kabia, naha sirpika lupia nani kum ra yarka saura daukaia ba wal.

Roman 14:20

Dîa dîa pisma ba tâka mita, yarka Gâd warkka bahki ra tawbiara. Plun sut lika klin sa, baha tânka ba param sa; sakuna dîa dîa pi ba mita upla wala mina batakisa kaka, baha lika saura sa.

1 Korint 12:12

Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.

1 Samuil 24:11

“Mihti ra diara brisna na, king ba pain pali kaikbia: naha na king tara prâka tara ba pîska kum sa, yang sip kapri mai ikaia. Naha wal king tara ba tânka bribia, yang bui witin ra saura munaia bara waihla mihta ra mangkaia plikras sna ba, baha swakwanka sin yang daukras. Ban sakuna, king tara ba nini bliki taukisa rayaki tikaia.