1 Korint 7:30 - DAWAN BÎLA AISKA

³⁰ ini nani ba, sari âpu baku kabia; kiki banhwi ba, lilia âpu baku nani kabia; bara upla wina diara atki nani ba, dukia nani atkuya ba ai dukia nani apia kan baku lukbia;

1 Korint 7:30 ပူးပေါင်းရင်းမြစ်များ

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Smasmalkra 3:4

Inaia piua bâra sa, kikaia piua sin bâra sa. Sari briaia piua bâra sa, lilia yua sin bâra sa.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 30:19

Kasak pali upla nani Saion, Jerusalem ra iwi ba: man kli inma apia; Dawan umpira mai kaiki ba, witin ai kupia pihni man dukiamra bribia; bîlam baikra inanka walbia ba ra, pana man ra aisabia.

Isikiel 7:12

Baha yua ba aula, piua ba pat balan. Wala ra diara atki ba dîa mata lilia kabia, atki bri ba sin dîa mata sari kabia. Yang kupi baiwanka ni Israel praut lâka bri ba klala yabaisna.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 6:21

“Liliam bas, man nani nanara plun mai dauki ba, kan man nani âuyapah takma bamna. “Liliam bas man nani nanara inisma nani ba, kan ningkara kiki banhwi kama bamna.

Luk 6:25

“¡Alai kabia man nani ra nanara âmyapah brisma ba, kan man nani plun mai dauki kabia bamna! “¡Alai kabia man nani ra, nanara kiki banhwisma ba, kan man nani sari ini banhwi kama!

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

1 Korint 7:29

Muihki nani, yang wiaia want sna tânka ba lika naku sa: yawan kau piu wiria baman brisa. Bamna, nanara wina ai tâura, marit waitna nani ba ai maya âpu baku iwi kaia sa;

1 Korint 7:31

naha tasba wina ai hilpka saki ba, baha hilpka ba aiska pali bri banhras baku kabia. Kan naha tasbaya yawan nanara kaiki na, mahka lui auya sa.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”