1 Korint 7:15 - DAWAN BÎLA AISKA

¹⁵ Sakuna, waitnika ba, apia kaka mairka ba sapa kasak lukras, dakwi takaia lukisa kaka, baku daukbia. Bara baku daukbia kaka, wan muihni, wan lakra ba, witin pri sa dîa pliki briaia ba ai laikka; kan Gâd mita kupia kumi lâka ra iwi kabia wisi wan paiwan sa.

1 Korint 7:15 ပူးပေါင်းရင်းမြစ်များ

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Luk 9:39

bara pirit kum mita alki muni, ai bîla baikra karna yan winisa, lasa sin yan prukisa, bara ai bîla wina ukata yan takisa. Saura pali munisa, swih taki wan sin daukras.

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Kli Smalkanka 24:2

Witin utla wina taki wan ba ra, sip sa wala wal ai maya takaia;

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Jems 2:15

Ban kra wibia upla kum, apia kaka wan lakra mairin kum plun âpu, bara kwala sin âpu,