1 Korint 5:1 - DAWAN BÎLA AISKA

¹ Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

1 Korint 5:1 ပူးပေါင်းရင်းမြစ်များ

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

Blasi Sturka 37:2

Naha uplika nani sika, Jekob kiamka nani ba, bara ai sturka nani ba sin. Josep wahma luhpia mani 17 bri kan ba ra, ai muihni nani aikuki, ai aisika maya wala nani Bilhá bara Zilpá luhpia nani aikuki sin, ai aisika sîpka nani ba twi ra main kaiki kan. Bilhá bara Zilpá ba Jekob lilika nani kan. Bamna Josep ai muihni nani tânka bara daukanka saura nani ba dukiara ai aisika ra dahra saki kan.

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

2 Samuil 16:22

Bara witin nani utla papakni kum king watla bahna purara daukan, bahara Absalón ai aisika lila mairin nani ba wal prawan, Israel luhpia nani sut nakra ra;

2 Samuil 20:3

Debit Jerusalem ra kli ai watla ra balan ba ra, ai lila mairin nani matawalsip king watla ra main kaiki kaia bâra swin kan ba, utla kum ra bri si, aihwawakra nani mihta ra swin. Witin nani ra ban main kaiki kan, sakuna witin aikuki lika kli yapras kan. Bahara witin nani ba durka praki swin, piarka nani baku iwi kan pruan yua ba kat.

1 Kronikas 5:1

Israel luhpia tawahkia, Ruben luhpia nani ba naha nani kata: Hanoc, Falú, Hesrón bara Carmí. Kasak pali Ruben ba tawahkia pali kata, ban sakuna tawahkia yamnika ba tikan witin ai aisika maya ra alki saura munan bamna, bara baha yamnika ba Josep luhpia nani ra ni yan, Israel luhpia wala kan ba. Ban sakuna, Juda ba ai muihni nani sut wal kau karnikira pali takan, bara witin wina wihta kum takan; sakuna tawahkia yamnika ba Josep dukia ni takan.

Jirimaya 2:33

“¡Latwan mai kakaira nani ba nahki pliki sakaia yabalka ba kakaira pali sa! ¡Man ba skul smasmalkra sma saura daukaia mapa ra!

Isikiel 16:47

Witin nani nina bliki, dîa daukan saurka kata ba daukram; âmyapah apia, man daukankam ba kau saura kan, witin nani daukanka wal.

Isikiel 22:10

Kum kum nani ba, ai aisa maya ba ai maya baku wal brisa; apia kaka baha mairka ai katka bri piua ra saura munisa.

Libait Lâka 18:8

“Papikam mairka ba yapi, witin ra bahki kulkpara.

Libait Lâka 20:11

“Upla kum ai papika maya wal yapbia kaka, witin ai papika swira daukisa, waitnika bara mairka ba wâlsut ikan kabia, waitna ba ai prurika silp twilkbia.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

1 Korint 6:13

Upla wala kum bila wibia: “Plun ba wan biara dukia sa, bara wan biara ba plun dukia.” Kasak, sakuna Gâd mita dukia wâlsut ba sauhki tikbia. Upla wîna tara ba tâski lâka daukaia dukiara lika apia sa, sakuna Dawan dukia mika; bara Dawan ba wan wîna tara dukia sa.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

2 Korint 2:5

Bamna upla tila wan sarka paskan sa kaka, baha lika yang ra baman apia, kuna man nani sarkam sin wiria pan paskan sa. Yang “wiria pan” wisna, uya wirha mai taibaia apia dukiara.

2 Korint 7:12

Baku bamna, baha wauhkataya ulbatna ba lika, saura daukan uplika ba dukiara baman, apia kaka klala brin uplika ba dukiara baman luki lika apia, sakuna man nani mita tânka brima, Gâd mawanra yang nani dukira kupiam nani trabilka nani brisma ba dukiara.

Galesha 5:19

Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

Kli Smalkanka 22:30

“Upla kumi sip ai aisa maya wal prawaia apia sa, baku sa kaka witin wal lâ krikisa.

Kli Smalkanka 27:20

‘Ya ai papika mairka wal yapbia kaka, lahtuban kabia, kan baha ba kulkanka yaras sa.’ Bara upla sut wibia: ‘Baku kabia.’

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

Param Marikanka 2:21

Witin ra sans yâri ai kupia lakaia, sakuna swin daukras sa witin ai rugka lâka ba wina.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

1 Samuil 2:24

Apia pali, luhpi nani, tânka brisma Dawan uplika nani man nani dukiamra aisi tauki ba diara yamni apia sa.