1 Korint 4:5 - DAWAN BÎLA AISKA

⁵ Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

1 Korint 4:5 ပူးပေါင်းရင်းမြစ်များ

Job 12:22

Dara prakan tânka yukuwan ra bâra ba, tânka briaia param sakisa; tihmu pali tilara diara bâra ba sin ingni ra sakisa.

Sins Lâka 12:8

Waitna ba ra mayunan kabia, witin sins lâka bri tânka praiska kat, kuna upla sinskas ba bahki kulki kabia.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 23:25

“Baha prapitka nani kunin aisi ba yang walri, witin nani ba yang nini bri aisisa, yang bui witin nani ra yaprisauhkan ra aisisna wisa.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Matiu 10:26

“Baha mita, man nani upla nani ra sîa bripara. Kan dîa dîa pura prakan ba param sakan kabia, bara dîa dîa yukuwan ra ba sin pain kaikan kabia.

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 24:46

Lilia pali kabia ani albika ai dawanka balbia piua ra baku ai warkka dauki kaka sâkbia ba.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 25:23

Ai dawanka ba mita win: ‘Upla pain; man ba alba pain bara yamni sma. Diara wiria lupia wal kasak kapram bamna, yang mita kau diara ailal mihtam ra mangkamna. Bal dimi, yang wal lilia bris.’

Luk 6:37

“Upla wala lâka aisi daukpara, baku mika Gâd bui man nani lâmka aisi daukbia apia. Upla wala pât ra dingkpara, baku mika Gâd bui man nani pât ra mai dingkbia apia. Upla nani pâtka swih tiks, baku mika Gâd bui man nani pâtkam swih tikbia.

Jan 21:22

Jisas pana win: —Witin na yang kli balamna kat raya kabia want sna kaka, ¿baha ba dîa sa man mampara? Sakuna man lika yang nini blîks.

Jan 21:23

Bamna baha disaipilka prubia apia sturka ba disaipil nani sut tilara sahwan. Sakuna Jisas lika wiras kan baha disaipilka ba prubia apia, witin win: “Witin na yang kli balamna kat raya kabia want sna kaka, ¿baha ba dîa sa man mampara?”

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Roman 14:4

¿Man ba ya sma, upla wala dukia dadaukra lâka aisi daukisma ba? Ai dawanka bisniska sa, witin ba buisa sapa, apia kaka kauhisa sapa. Bara uplika ba yaka pain bûi kabia, kan Dawan lika sip sa witin ba yaka pain kaia.

Roman 2:1

Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

Roman 2:16

Sturi yamni smalkisa ba kat, baku sika baha yua Gâd mita Jisas Kraist bâk upla nani sut tânka yukuwan ra ba kat lâ daukbia.

Roman 2:29

Ban sakuna, kupia tani wina ba sika Ju pali ba, bara Aisa sainka kasak pali ba lika wan kupia dukia sa; baha ba wauhkataya ulban lâka ba apia, kuna Spirit lâka sa. Naha dauki uplika ba upla mita tânka ba pliki kaikbia apia, sakuna Gâd mita lika.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

1 Korint 1:7

Baku mika, man nani ba wan Dawan Jisas Kraist latan bal takaia yua nani ba bîla kaikisma ba ra, Gâd mita yabi dukia nani ba luha apia sma.

1 Korint 11:16

Sakuna ani uplika naha tânka dukiara blahwaia want kaka, witin kaiki kaia sa, yang nani na bara Gâd sertska nani ba sin natka wala lika kaikras banhwisna.

1 Korint 11:26

Baku bamna, aima bani naha britka na pima bara naha kapka sin dima ba ra, Dawan pruanki ba param aisi banhwi bas, witin balbia ba kat.

1 Korint 15:23

Sakuna kumi bani ai pliska mangkan ba kat: Kraist ba sut tâura; baha ningkara, Kraist balbia ba ra, witin uplika nani ba.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

1 Korint 3:14

Ani uplika utla tara mâkan ba, pauta klauhan ba mapara ban bapi bubia kaka, witin lika ai mana bribia.

1 Korint 3:8

Mangki uplika nani ba wih lî laiki nani ba wal kumi sa; sakuna Gâd mita kumi bani ra ai warkka daukan ba kat ai mana yabia.

2 Korint 10:18

Kan pain kulkan uplika ba lika witin ai painka dukiara aisi ba apia, sakuna ani uplika ra Dawan mita pain kulki ba lika.

2 Korint 10:9

Brin ai daukras wauhkitaya nani ni man nani ra sirang mai iki baku mai munaia.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

1 Tesalonaika 5:2

Man nani pain kaikisma, Dawan yua ba lika bîla kaikras pali kama ba ra balbia, sim âimplikra kum tihmia ra aula ba baku.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.

Jems 5:9

Muihki nani, pana pana brukwanka bripara, baku lâmka daukbia apia; kan Gâd, witinka Wihta aimaki ba, dur lama kat buisa.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

2 Pita 3:12

Gâd yua balaia ba bîla kaiki bas, bara trai muns yarka baha ba pat balaia. Baha yua lika pauta mita kasbrika purara nani sut âpu daukan kabia, bara uba lapta ba mita dîa dîa bilara ba sut slilwi lubia;

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”

Judas 1:14

Bamna Henoc sin, naha sika Adam wina matlalkahbi pura kumika ba, witin lika Gâd dahra aisi, baha dukiara naku win: “Yang kaikri Dawan aula kan, ai insalka nani tausin ailal nani wal

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.