1 Korint 4:17 - DAWAN BÎLA AISKA

¹⁷ Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

1 Korint 4:17 ပူးပေါင်းရင်းမြစ်များ

Sins Lâka 13:17

Saki blikan uplika watawikira ba lika swira lâka baman twilkisa, sakuna saki blikan uplika kasakkira ba wan rakaika brih aula.

Kulki Kaikanka 12:7

Sakuna yang naipakan Moses wal lika yang baku aisaras, yang naipakan nani sut tilara witin sika kau kasakkira pali sa.

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 25:23

Ai dawanka ba mita win: ‘Upla pain; man ba alba pain bara yamni sma. Diara wiria lupia wal kasak kapram bamna, yang mita kau diara ailal mihtam ra mangkamna. Bal dimi, yang wal lilia bris.’

Apastil Nani Sturka 16:1

Pal bara Silas wal impaki witin nani Derbe ra wan, baha wina Listra ra balan. Bahara sika lalukra kum wal prawan nina ba sika Timoti; witin ba Ju lalukra mairin kum luhpia, ai aisika lika Grik kata.

1 Korint 11:16

Sakuna ani uplika naha tânka dukiara blahwaia want kaka, witin kaiki kaia sa, yang nani na bara Gâd sertska nani ba sin natka wala lika kaikras banhwisna.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 11:34

Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

1 Korint 16:1

Bara nanara lika aisisna, Gâd uplika nani Judia ra ba dukiara prisant nani saki blikaia ba; Galesha tasbaya sertska nani ra daukbia wîri ba baku dauks.

1 Korint 16:10

Timoti balbia kaka, man nani trai kaiki witin ba tilamra aikuki liliam bris, kan witin ba Dawan warkka daukisa, yang wal baku.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

1 Korint 4:2

Bamna, dukia dadaukra ba mita latan marikaia sa, witin ba ai dawanka ra kasak sa.

1 Korint 7:17

Nahki kabia kra, kumi bani Dawan dîa yaban ba kat iwi kaia sa, bara Gâd mita paiwan bara witin nahki kan ba kat. Serts nani sut ra yang naku adar yabisna.

1 Korint 7:25

Bara marit takras uplika nani ba dukiara lika, Dawan wina lâ kumi sin briras sna; sakuna yang dîa lukisna ba aisuna, Dawan mita umpira ai kaikan ba mita upla kasak kum baku.

2 Korint 8:18

Taitus wal wan muihni kumi sin bliki banhwisna, bara serts nani sut mita wisa, witin lika swaki sakan warkka pain pali daukisa.

Epesus 6:21

Wan muihni latwankira Tíquico, witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia.

Pilipai 2:19

Dawan Jisas hilpka ra, lukisni Timoti ba aihni ridi dauki man nani ra mai kaikaia blikamna, bara baku sturkam wali, yang lilia kamni.

Pilipai 2:22

Sakuna man nani kaikisma nahki Timoti ai tânka kasak marikan ba, bara nahki sin yang wal sturi yamni aisi smalkaia warkka daukan ba, sim luhpa kum ai aisika ra hilp muni ba baku.

Kolosi 1:7

Naha na wan latwankira Epafras mai smalkan, witinka ba yang nani aikuki wark takan, bara man nani sin witin ba Kraist dukia dadaukra painkira kulki banhwisma.

Kolosi 4:9

Witin ba wal wan muihni latwankira bara kasakkira Onésimo sin auya; witinka lika man nani tilam pali wina sa. Dîa dîa nahara taki ba sut witin nani mita mai wibia.

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

2 Timoti 1:2

Luhpi laitwankira Timoti, naha wauhkataya mai ulbisna. Gâd Aisa bara wan Dawan Jisas Kraist wal mita, ai kupia yamnika lâka, umpira kaikan lâka bara kupia kumi lâka sin man puramra laikbia.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

Taitus 1:5

Yang Creta kîka dakura ra mai swiri, diara nani kau wapnika mangkaia kan ba man mita daukma wisi; bara tawan bani ra sin serts almukka nani mangkaia, kupiam krauki dîa daukaia mai wîri ba tânka kat.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.