1 Korint 3:5 - DAWAN BÎLA AISKA

⁵ Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

1 Korint 3:5 ပူးပေါင်းရင်းမြစ်များ

Matiu 25:15

Kumi ra lalah mâ 5,000 yaban, wala ra 2,000 bara wala ra 1,000 prais; kumi bani ra ai sinska prais ba kat yan, bara witin lika mahka impakan.

Jan 3:27

Bamna Jan bila: —Upla sip diara kumi sin briras, Gâd mita yaras sa kaka.

Apastil Nani Sturka 18:24

Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

1 Korint 12:28

Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.

1 Korint 16:12

Bara wan muihni Apolos ra kasak makabi kapri, wan muihni nani aikuki man nani ra bal mai kaikbia, sakuna nanara lika balaia apia win; sakuna witin sans bribia ba ra, balbia.

1 Korint 3:10

Gâd mita sins aikan ba kat, yang lika utla papaskra wihta baku sna bara playa bapanka ba mangkri, bara upla wala baha purara paskisa. Sakuna kumi bani aman kaikaia sa, witin nahki baha purara paskisa sapa.

1 Korint 3:22

Pal ba, Apolos ba, Pita ba, naha tasba na, raya kaia ba, prura ba, nanara piua na, naika piua ba sin; sut na man nani dukiam atia sa,

1 Korint 3:7

Baku bamna, saumuk mangki uplika ba bara lî laiki ba sin bahki atia sa; sakuna Gâd sika diara sut ba, kan witin sika dusa ba yan pâwi ba.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 3:3

Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

2 Korint 5:18

Naha diara sut na Gâd mita daukisa, witin mita Kraist bâk witin wal kupia kumi wan daukan ba, bara adar wankan sa upla sut ba yang nani mita witin wal kupia kumi daukaia.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

Epesus 3:7

Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:25

Yang lika nanara Gâd mita serts napakanka ai daukan sa, witin mita baha warkka daukamna wisi aikan bamna, man nani yamnikam dukiara, Gâd ai dahra smalkanka ba aiska smalkamna dukiara ai mangkan,

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.