1 Korint 3:18 - DAWAN BÎLA AISKA

¹⁸ Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

1 Korint 3:18 ပူးပေါင်းရင်းမြစ်များ

Sins Lâka 26:12

Taniskira wina kau bîla kaikaia sip sa, wihki ya uya sinskira puli ba wal.

Sins Lâka 3:5

Dawan ra kupiam aiska ni kasak luki bas, bara man sinskam lâka ba kat tniwi kapara.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Sins Lâka 5:7

Baku bamna, luhpi, yang ra wals, bara bîli smalkanka nani wina tnaya ra tawpara.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Jirimaya 37:9

Yang, Dawan, man nani ra mai wisna: Man nani lukpara Caldea uplika nani ba mahka wan; baha baku apia sa.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 18:4

Baku bamna, Gâd king aimaki lâka ra kau tara ba, bawikira lâka bri kabia ba sin naha tuktika lupia na wal baku.

Mark 10:15

Kasak pali mai wisna, ani uplika tuktan baku Gâd king aimaki lâka ba briras kaka, witin sip bahara dimbia apia.

Luk 18:17

Kasak pali mai wisna, ya Gâd king aimaki lâka ba tuktan sirpi nani baku briras kaka, bahara dimbia apia.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

1 Korint 15:33

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

1 Korint 3:17

Baku bamna, ani uplika Gâd tempelka ba sauhkbia kaka, Gâd mita uplika ba sauhkbia. Kan Gâd tempelka ba holikira sa, bara baha tempelka ba lika man nani pali sma.

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Galesha 6:3

Ani uplika, witin diara apia ba, diara tara sa lukisa kaka, witin pali ai lukanka ra kunin munisa.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

1 Jan 1:8

Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.