1 Korint 3:10 - DAWAN BÎLA AISKA

¹⁰ Gâd mita sins aikan ba kat, yang lika utla papaskra wihta baku sna bara playa bapanka ba mangkri, bara upla wala baha purara paskisa. Sakuna kumi bani aman kaikaia sa, witin nahki baha purara paskisa sapa.

1 Korint 3:10 ပူးပေါင်းရင်းမြစ်များ

2 Kronikas 2:12

Bara witin kau pura praki win: “¡Dawan ba yamni pali kabia, witinka Israel Gâdka ba, kasbrika pura bara tasba sin paskan ba, bara king Debit ra luhpa kum yan ba sins lâka tara bri ba, diara sut tânkira dadaukra ba bara witin Dawan tempelka ba mâkaisa baku sin king iwaia watla ba!

Impakan Sturka 36:4

Âuya mâira nani Dawan wal aisaia watla mâki kan ba, ai warkka nani dauki kan ba swi si, aidrubi wan,

Sins Lâka 12:8

Waitna ba ra mayunan kabia, witin sins lâka bri tânka praiska kat, kuna upla sinskas ba bahki kulki kabia.

Sins Lâka 9:1

Sins lâka ba mita ai watla mâkan; playka nani 7 wal skahki daukan sa.

Smasmalkra 12:9

Smasmalkra ba kau sinskira takan bara kau diara tânka kaikaia lâka upla ra smalki kan, baku sin wark tara brin, sins lâka stadi munaia, bara mahka ai tânka kat wapnika mangkan.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

Luk 11:35

Aman kaiks, baha ingnika brisma ba tihmu takbiara.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Apastil Nani Sturka 18:27

Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Roman 15:15

Sakuna naha wauhkataya na wal, yang sibrin âpu param pali diara tila nani man nani ra ulbisna, âmya tiwbia apia ba mata. Naha daukisna Gâd ai kupia yamni bâk adar aikan ba mita,

Roman 15:20

Baku sika trai kaikri swaki sakan lâka sturka ba smalkaia, Kraist nina kau walras pliska nani ra, upla wala mita pat playa kum bapan purara utla paskamnara sîa.

1 Korint 3:11

Kan Gâd mita Jisas Kraist pali ba playa bapanka baku pat mangki brisa, bara baha purara upla mita playa bapanka wala sip mangkras sa.

1 Korint 9:2

Ban kra upla wala nani mita apastil kum baku pain ai kulkbia apia; sakuna man nani lika pain ai kulkaia sma, kan Dawan ra lalukra nani ba sika kaikisa kasak pali yang na apastil sna.

2 Korint 10:15

Upla wala nani wark daukan ba dukiara yang nani mita maiyunras, yang nani warkki ba wina tnaya ra tawi. Baha watlika ra, yang nani lika man nani tilamra kau wark daukaia brin ai daukisa, baku man nani kau kasak luki kaia, sakuna ban yang nani warkki daukaia brisna ba wina tnaya ra tawras.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Kolosi 4:17

Naha na Arquipo ra wis: “Dawan napakan warkka ra mangkan ba trai muni lâ kat tauki kabia.”

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

Jems 3:1

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.

Param Marikanka 21:14

Tawanka walpaya kutbanka ba walpa 12 purara bapan kan, bara baha nani purara Sîp Luhpia apastil 12 nani nina ba ulban kata.

Param Marikanka 21:19

Walpaya kutbanka playka nani ba walpa painkira sât sât ni skahkan kan: pas ba, jasper walpaya ni; wala, sapair walpaya ni; yumhpika ba, agat walpaya ni; walhwalka ba, esmeralt ni;