1 Korint 2:8 - DAWAN BÎLA AISKA

⁸ Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

1 Korint 2:8 ပူးပေါင်းရင်းမြစ်များ

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Luk 23:34

Witin nani dus prihni ra sabi kan ba ra, Jisas bila: —Aisa, naha pâtka na witin nani ra ban swih tiks, kan witin nani dîa dauki sapa ai tânka briras. Bamna suldiar nani Jisas kwalka ba yaura tawbia sapa kaikaia, lat lulkan.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 7:48

¿Dîa wan wihtka nani na tila wina, apia kaka parisi nani na tila wina kum pat Jisas ra kasak lukan sa ki?

Jan 8:19

Bamna baha nani mita makabi walan: —¿Man aisikam ba anira sa ki? Jisas pana win: —Man nani bui yang ai kakaira apia sma, bara Aisiki sin kakaira apia sma; yang ai kakaira banhwi katma kaka, Aisiki ra sin kakaira kaia kapram.

Apastil Nani Sturka 13:27

Bamna baha nani Jerusalem ra iwi kan ba, ai wihtka nani sut aikuki Jisas ba ya sapa tânka briras kan, bara prapit nani wauhkataya wina ris yua bani Ju nani priaska watla aisi kaiki banhwi kan ba sin tânka briras kan. Baku mika Jisas pât ra lulki banhwan ba ra, prapit nani dîa aisin ba tnata alkan.

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

1 Korint 1:20

Baku bamna, ¿anira sa sins lâka kakaira ba, bara smasmalkra ba, bara baha nani naha tasba dukia nani ra blahwi aisaia lan ba? ¡Gâd mita bahki lakan sa naha tasba sinska lâka ba!

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

2 Korint 3:14

Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

Jems 2:1

Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.