1 Korint 2:6 - DAWAN BÎLA AISKA

⁶ Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

1 Korint 2:6 ပူးပေါင်းရင်းမြစ်များ

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 12:19

Prîs nani ba sin ai warkka ba wina sakisa, bara karnika alki bri nani ba batakisa.

Job 12:21

Upla tara kulkanka lâka bri nani ba sin, kulkanka lâka âpu daukisa, karnakira nani karnika ba sin karnikas daukisa.

Lawana Nani 146:4

witin nani pruisa bara witin kli tasba yuya ra tawisa; bara baha pali piua ra ai warkka kata lap tiwisa.

Lawana Nani 33:10

Dawan ra lukras uplika diara daukaia luki ai lâka nani dauki ba, witin mita baha lâka nani ba sut pali batakisa,

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Aiseya 40:23

Karnakira nani ba witin mita diara âpu lakisa, tasba ra wihta aimaki nani ba diara bahki daukisa.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Matiu 5:48

Man nani upla kasakkira banhwi bas, kasbrika purara ba kasakkira sa baku.

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

1 Korint 1:28

Tasba uplika nani mita mâyara kulki nani bara bahki kulki nani ba sin, Gâd mita bâk sakan sa; tânka ba lika, diara apia nani ba, tara nani ba sauhki tikaia dukiara.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 2:1

Sakuna muihki nani, man nani ra Gâd kasakka tânka yukukan ba aisi mai smalkaia balatna ba ra, bîla tihu nani bara sins tara ni sin baha ba aisaras katna.

1 Korint 2:13

Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

1 Korint 3:1

Muihki nani, yang bui man nani ra Spirit uplika nani ra baku sip mai aisaras katna; yang bui man nani ra naha tasba uplika nani baku mai aisari, Kraist tânka nani mapa ra tuktan sirpi nani ra baku.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 4:3

Swaki sakan sturka yang nani smalkisna ba, param apia sa kaka, baha lika tanis tiwaia uplika nani ba mapa ra prakan sa.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.

Hibru Nani 6:1

Baku bamna, yawan ban wan kainara wap, upla aitani pâwan nani baku takaia, Kraist smalkanka nani pas tâura wan smalkan ba wan ninara swih. Playa bapanka dukia nani ba yawan kli bapaia apia sa, bara baha sika prura ra wan brih wi ba, warkka nani ba swih wan kupia lakaia ba, Gâd ra kasak lukan lâka bri kaia ba,

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.