1 Korint 2:14 - DAWAN BÎLA AISKA

¹⁴ Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

1 Korint 2:14 ပူးပေါင်းရင်းမြစ်များ

Sins Lâka 14:6

Ai tânka saura bri uplika ba, sins lâka plikisa kuna sakras, sakuna diara tânka luki uplika mapara, sins lâka briaia karna apia sa.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Jan 10:20

Witin nani ba wina manis aisin: —Witin ba pirit saura kum brisa bara lal saura kaka, ¿dîa muni man nani bui witin ra walisma?

Jan 12:37

Bamna Jisas mita sain aihka nani manis daukan baha uplika nani mawanra, sakuna kumi sin sip witin ra kasak lukras kan,

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Jan 8:43

¿Dîa muni man nani ra diara mai wisna ba sip tânka briras sma? Baha lika man nani mita smalkanki ba walaia want apia sma bamna.

Apastil Nani Sturka 16:14

Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.

Apastil Nani Sturka 18:15

sakuna naha na, bîla nani dukiara, bara nina nani, bara man nani lâmka nani dukiara sa bamna, man nani baha wapni dauks, kan yang want apia sna nahmuna dukia nani lâka daukaia.

Apastil Nani Sturka 25:19

Witin nani aisi kan ba lika witin mapara ai sertska lâka ba dukiara baman, bara waitna kum nina Jisas, witin pruan sakuna Pal bila witin ba lika raya sa wisa.

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 1:25

Bamna, upla nani mita, Gâd sins âpu lâka baku kulki dukia ba, baha lika upla sinska lâka purkara kau sins lâka kakaira ba uplika dukia sa; bara Gâd swapnika baku ba lika, upla karnika purkara kau karnika brisa.

1 Korint 15:44

Spirit âpu wîna tara kum bikisa, bara spirit bri wîna tara kum buisa. Spirit âpu wîna tara bâra sa kaka, spirit bri wîna tara sin bâra sa.

1 Korint 15:46

Sakuna spirit dukia ba tâura apia sa, spirit âpu ba mika; baha ningkara spirit dukia ba aula.

1 Korint 2:12

Bara yawan na tasba spiritka briras sa; yawan lika Gâd mita blikan Spiritka ba brin sa, Gâd ai kupia yamnika mita diara nani wankan ba yawan tânka bribia wisi.

1 Korint 3:1

Muihki nani, yang bui man nani ra Spirit uplika nani ra baku sip mai aisaras katna; yang bui man nani ra naha tasba uplika nani baku mai aisari, Kraist tânka nani mapa ra tuktan sirpi nani ra baku.

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Judas 1:19

Bamna naha nani mita sika upla nani aihka aihka dakbi saki ba; witin nani Gâd Spiritka âpu ba mita ai wîna brinka baman bîla wali daukisa.