1 Korint 16:22 - DAWAN BÎLA AISKA

²² Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

1 Korint 16:22 ပူးပေါင်းရင်းမြစ်များ

Yamni Kulki Lawana 1:7

Laitwankira, man ai wis, ¿anira sîpkam nani ba dakakisma?, ¿anira witin nani ba ris yabisma yu wan lal kat ba ra? ¿Dîa muni yang tanis wapi baman tauki mairka baku kaia sna, man uplikam wala nani sîpka lamara?

Yamni Kulki Lawana 5:16

Ai bîla ba kiawalaia damni pali sa: ¡witin ai wîna aiska ba, painkira pali sa! Naku sa laitwankira waitna ba, naku sa yang laitwankira ba, Jerusalem mairka nani.

Aiseya 5:1

Nanara yang laitwankira ba dukiara aiwanamna, wainka nasla ba lawana aiwanamna. Laitwankira ba wain nasla kum bri kan il plahpia tasbaya disang kum ra.

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 16:14

Witin mita yang ra maiyunbia, kan dîa witin bribia ba lika yang duki wina sa, baha mita man nani ra tânka ba sut mamrikbia.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Apastil Nani Sturka 23:14

Witin nani prîs tara nani ra bara wihta almuk nani ra sin wih win: —Yang nani swer taki kira lâ daukri, plun piaia apia, diara sin diaia apia, Pal ikamna ba kat.

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

1 Korint 12:3

Baha mita, nanara want sna kaiki kama, ani uplika naku wibia kaka: “¡Jisas ba lahtuban kabia!”, witin ba Gâd Spiritka karnika mita aisaras sa. Bara upla kumi sin sip wiras: “¡Jisas ba Dawan!”, witin ba Spirit Holikira karnika mita aisisa kaka lika.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 6:24

bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

Param Marikanka 22:20

Naha tânka latan aisasara ba mita naku wisa: “Âu, yang aihni aulni.” Baku kabia. ¡Bal, Dawan Jisas!