1 Korint 16:18 - DAWAN BÎLA AISKA

¹⁸ Witin nani ba yang ra spirit mapa ra maisi nihkan sa, man nani ra maisam nihkan ba baku. Baha sât uplika nani ba pain pali kulki bas.

1 Korint 16:18 ပူးပေါင်းရင်းမြစ်များ

Sins Lâka 25:13

Insla dâkaia piua lapta bara kauhla iwi ba baku sa, blikan uplika kasakkira ba witin ai dawanka ba mapara; ai dawanka kupia raki bukisa.

Sins Lâka 25:25

Diran dauki uplika kârma ra lî kauhla pain ba baku sa, sturi yamni laih kuntri wala wina aula ba.

Roman 15:32

bara baku mika, Gâd want sa kaka, man nani ra liliakira wamna, bara mai kaiki ris sin brimna.

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

Kolosi 4:8

Diara nani sut yang nani dukira mai wibia mata, Tíquico ba man nani ra blikuna, hilp mai munaia bara maisam nihkaia.

1 Tesalonaika 5:12

Muihki nani, yang nani mamkabisna man nani tilamra wark taki nani ba kulki kama, witinka nani Dawan bâk sakan ba tâm briaia dukiara, bara mai smalkaia dukiara sin.

Pilimon 1:20

Âu, muihki, Dawan wal asla lâka ra naha hilpka na dauki aik; Kraist wal wan muihni lâka ra maisi nihks.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Hibru Nani 13:7

Man nani tâm brin uplika nani ba kupiam krauki bas, witinka nani Gâd sturka yamni mai smalkan ba. Witin nani nahki iwi kan bara nahki pruan ba sin man nani luki bas, bara ai kasak lukan lâka natka nani ba kat dauki bas.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.