1 Korint 15:43 - DAWAN BÎLA AISKA

⁴³ Upla mita saura kulki diara kum bikisa, bara pranakira dukia kum buisa. Diara kum swapni kan bikisa, bara diara karnakira kum buisa.

1 Korint 15:43 ပူးပေါင်းရင်းမြစ်များ

Job 14:10

Ban sakuna, upla ba lika prura saika âpu ban pruisa, pruya ba ra, ¿anira auya?

Lawana Nani 102:23

Yabal lila kat witin bui karniki ba sakan, witin bui rayaki ba klutka daukan.

Daniel 12:1

‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Matiu 13:43

Bara Gâd bîla wali dauki nani ba, ai Aisa king aimaki tasbaya ra lapta baku ingwan kabia. Man nani kiamam brisma kaka, wali banhs.

Jan 8:49

Jisas baha nani ra win: —Yang pirit saura kumi sin âpu. Diara daukisna ba lika Aisiki mayunaia dukiara, sakuna man nani lika saura ai wisma.

1 Korint 6:14

Bara Gâd mita Dawan ba pruan wina kli bukan ba baku, yawan ra sin ai karnika ni wan bukbia.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Kolosi 3:4

Man nani rayakam pali ba sika Kraist, bara ani piua ra witin param takbia ba ra, man nani sin Kraist wal prana tara tilara latan takma, bara witin wal prana tara ba bri kama.