1 Korint 15:33 - DAWAN BÎLA AISKA

³³ Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

1 Korint 15:33 ပူးပေါင်းရင်းမြစ်များ

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Sins Lâka 22:25

Man bui witin nani natka saura nani ba lan takma ba ra, man mita kiwa ba namna ra mangkma.

Sins Lâka 9:6

Man nani tanis lâka ba swis, bara raya kama; upla sinskira nani baku man nani tauki bas.”

Matiu 24:11

Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 24:4

Bara Jisas bila witin nani ra: —Aman kaiks, upla kumi sin yarka kunin mai munbiara.

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

2 Tesalonaika 2:10

Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

2 Pita 2:2

Upla ailal witin nani daukanka saura nani ba nina blîkbia, bara witin nani tâka mita, kasakka lâka yabalka ba dukiara saura aisabia.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.