1 Korint 15:3 - DAWAN BÎLA AISKA

³ Pas tâura lika yang pali ra ai smalkan sturka ba sika man nani ra laki maikri ba. Mai smalkri sa Kraist ba wan saurka nani tâwan pruan, Ulbanka nani ra aisi ba baku;

1 Korint 15:3 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Matiu 26:28

kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.

Luk 24:25

Bara Jisas win: —¡Man nani lika sip diara tânka briras sma, prapit nani diara nani aisin dukiara sin pat sip kasak lukras sma!

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Apastil Nani Sturka 17:2

Pal ai natka kan ba baku, witin Ju nani priaska watla ra wih diman. Wik yumhpa bahara takaskan bara ris yua bani baha uplika nani wal aisi kan.

Apastil Nani Sturka 3:18

Kuna baku natka bâk baman Gâd sip kan, witin ai prapitka nani bâk Misaya ba pât wauhbia dukiara aisin ba, tnata alkaia.

Apastil Nani Sturka 8:32

Ulbanka pîs witin aisi kaiki kan ba lika naku kata: “Witin ba sîp baku ikaia pliska ra brih wan kata; sîp luhpia bîlas baku ai tâwa âirbra ba mawanra kan, baku sin witin ai bîla kwâki diara aisaras kan.

Roman 3:25

Gâd mita Kraist ba saurka mana sakripais kum baku mangkan witin pruanka bâk, bara naha na ai karnika brisa kasak lukan lâka ba mita. Naha na baku takan, kan marikaia want sa, nahki Gâd kasakkira sa bara ai kupia alki takaski kan, patitara saura yan saurka ba ban swin tiwan ba mita.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 11:23

Kan yang na Dawan pali wina, naha smalkanka man nani ra maikri na, brisatna: Dawan Jisas ba ai waihla mihta ra mangkan sim tihmika ra, brit ba ai mihta ra brin,

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 1:12

Baha ba upla kumi mita sin ai smalkan yang briras, sakuna Jisas Kraist mita aikan kaikri.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Hibru Nani 5:1

Prîs tara bani upla nani tila ba wina bâk sakan sa, bara Gâd mawanra upla nani dukiara aisaia mangkan sa. Witin ba prisant nani bara sakripais nani sin yabisa saurka nani dukiara.

Hibru Nani 5:3

Bara witin ai wîna swapnika nani bri bamna sika, ai saurka nani dukiara sakripais nani yabaia sa, bara upla wala nani saurka nani ba dukiara sin.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;