1 Korint 15:13 - DAWAN BÎLA AISKA

¹³ Bamna pruan wina kli buaia tânka âpu sa kaka, Kraist sin kli buras sa;

1 Korint 15:13 ပူးပေါင်းရင်းမြစ်များ

Apastil Nani Sturka 23:8

Kan sadiusi nani wisa pruan nani ba kli bubia apia, insal nani bara spirit sin âpu; sakuna parisi nani lika baha diara nani sut ba kasak lukisa.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

1 Korint 15:12

Sakuna yang nani smalkanki ba, Kraist pruan wina kli buan tânka sa kaka, ¿dîa kan man nani tilam wina tila nani wisa, pruan wina kli upla sip buras?

1 Korint 15:14

bara Kraist ba kli buras sa kaka, yang nani smalkisna sturka ba bahki sa, bara man nani kasak lukan lâka brisma ba sin bahki.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 2:14

Utla uplika kum luhpia nani ba, sim wîna bara sim tâlia brisa; baku sin, Jisas ba upla wîna bara tâlia sin bri kan, bara baku lika witin sip kaia kan ai pruanka ba ni dibil upla ikaia karnika bri kata ba, sauhki tikaia.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.