1 Korint 14:3 - DAWAN BÎLA AISKA

³ Sakuna Gâd wina sturi nani brih aisi uplika ba, upla wala nani ra aisisa, witin nani ba spirit tânka mapa ra yaka pâwaia dukiara, tâ baikaia, bara maisa nihkaia sin.

1 Korint 14:3 ပူးပေါင်းရင်းမြစ်များ

Luk 3:18

Naku natka ni, bara kupia kraukanka sât wala uya ni, Jan mita upla nani ra sturi yamni ba smalki kan.

Apastil Nani Sturka 13:15

Bamna Moses lâ ulban wauhkataya, bara prapit nani ulban wauhkataya nani ba aisi kaikan ningkara, prias watla wihtka nani ba mita naku maisa pakaia blikan: —Muihki nani, upla nani ra kupia kraukanka bîla brisma kaka, sip sma nanara aisaia.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 15:32

Judas bara Silas wal sin sip pali kan Dawan wina kupia kraukanka pain brin ba baha nani ra yaia, bamna ai bîla nani aisi wan muihni nani ra maisa nihkan, kupia sin uya tâ baikan.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Roman 12:8

Ya upla wala nani tâ baikaia prisantka bri ba, trai kaikaia sa baha warkka daukaia. Ya sin upla ra diara prisant yabi kaka, witin ai tânka lukras kira yabia. Ya tâ briaia warkka brisa kaka, witin aman kaiki baha ba daukaia sa. Ya diara luha uplika nani ra hilp muni kaka, witin liliakira baha ba daukaia sa.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

Roman 15:2

Yawan kumi bani wan muihni kupia lâka daukaia sa, witin ba pain kabia dukiara bara kasak lukan lâka ra sin pâwbia dukiara.

1 Korint 10:23

Upla nani wisa: “Upla ba dîa daukaia want kaka, witin ai laikka.” Baha kasak sa, sakuna diara sut ba pain baman lika apia sa. Upla ba dîa daukaia want kaka, witin ai laikka, sakuna diara sut spirit pakaia dukia sa.

1 Korint 14:12

Baha mita, man nani spirit tânka mapa ra sins nani brin pali mai dauki ba, kau pali trai kaiki briaia sma, baha nani serts uplika nani ra yan pâwi ba.

1 Korint 14:17

Tingkikam pura sunra ba uya pain kaia sip sa, sakuna uplika wala ba spirit mapa ra sip pâwras.

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

1 Korint 14:31

Bamna baku man nani sut Gâd wina sturi nani brisma ba, sip sma kumi kumi ra aisaia, bara baku mika sut lan takbia bara ai tâ baiki banhbia.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 2:7

Bamna nanara lika kau pain kabia, witin ba saurka swih tikaia lâka bara maisa nihkaia, sarka lâka uya ba mita, baha uplika ban tanis tiwbiara sîa.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Epesus 6:22

Baha mita yang bui witin ba man nani ra blikuna, yang nani nahki sna ba mai wiaia, bara tâm baikaia sin.

Kolosi 4:8

Diara nani sut yang nani dukira mai wibia mata, Tíquico ba man nani ra blikuna, hilp mai munaia bara maisam nihkaia.

1 Tesalonaika 2:11

Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Tesalonaika 2:3

Kan yang nani dîa aisi mai smalki katna ba lika swakwanka âpu kan; bara tâski lâka wal aisi smalkras katna, upla ra sin baha ni kunin munaia lukras kapri.

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:18

Baku bamna, pana pana walkam nani aikuki naha bîla nani wal maisa nihki tâm baiki bas.

2 Tesalonaika 3:12

Wan Dawan Jisas Kraist karnika mita, baha uplika nani ra smalki wisna bara adar sin yabisna, witin nani sâpkira wark taki kabia, ai pata saki pi kaia dukiara.

1 Timoti 1:4

Witin nani ra wis, kisi sturka nani bara kanra wan almukka nani sturka nani ba, walbiara. Naha dukia nani na blahwanka bahki nani baman bukisa, bara Gâd mita yawan kasak lukan lâka wal diara kasak daukaia wankan ba, baha kat daukaia sip hilp wan munras.

1 Timoti 4:13

Kau yang balras sna na ra, Ulbanka nani wina upla sut mawanra aisi kaikaia warkka ba dauki bas, bara wan muihni nani ra sin tâ baiki smalki bas.

1 Timoti 6:2

Bara alba nani ba ai dawanka lalukra nani brisa kaka, baha nani ba kasak lukan lâka mapa ra ai muihni nani wisi, witin nani mita bahki kulkaia apia sa. Sakuna, witin nani warkka ba kau pain daukaia sa; kan baha nani ai warkka pain dauki ba wina hilp bri nani ba, lalukra nani sa bara ai muihni latwankira nani sin. Naha dukia nani na, man upla nani ra smalki, baha kat daukbia wiaia sma:

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 1:9

Sturi kasakkira witin ra smalkan ba kat, ban alki bri kaia sa, bara baku mika upla wala nani ra smalkanka pain yabi, witin sip kabia tâ baikaia, bara baha smalkanka mapara nani ba sin kupia alkaia.

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.

Taitus 2:6

Baku sin, wahma nani ra tâ baiki bas ai sinska ba yamni bri kaia ba dukiara.

Taitus 2:9

Dukia dadaukra nani ra smalki wis, ai dawanka nani bîla wali daukbia, bara diara sut mapa ra witin nani dîa want ba kat daukbia. Witin nani mapara ai bîla bukaia apia sa,

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.