1 Korint 14:20 - DAWAN BÎLA AISKA

²⁰ Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 14:20 ပူးပေါင်းရင်းမြစ်များ

Nihimaya 4:13

Ba mita yang wîri ani pîska mâyara kan ba ra, kutbanka wala ra, bara ani tani ra param kan ba ra sin, upla nani ba kiamka bani wina bara aihwakaia mangkri, ai sordka nani bri, ai langsika nani bri bara ai trisbaya nani ba sin brih aihwakaia.

Lawana Nani 119:99

yang ai smalki uplika nani wal kanra tânka brisna, kan man lâmka nani dukiara kupi wal uya aisisni.

Aiseya 11:3

Bara witin lika upla aisinka wali ba wina baman lâka daukbia apia, upla nani aisi ba ra wali upla purara lâ kahbia apia.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 18:3

win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Matiu 19:14

Sakuna Jisas bila: —Man nani swis tuktan nani ba yang ra balbia, witin nani ba takaskpara; kan Gâd king aimaki lâka ba witin nani baku ba uplika nani dukia sa.

Matiu 19:4

Witin pana baha nani ra win: —¿Man nani Ulbanka ra aisi kaikras ki? Blasi pali papaskra mita witin nani ba ‘waitna bara mairin paskan.’

Mark 10:15

Kasak pali mai wisna, ani uplika tuktan baku Gâd king aimaki lâka ba briras kaka, witin sip bahara dimbia apia.

Luk 18:17

Kasak pali mai wisna, ya Gâd king aimaki lâka ba tuktan sirpi nani baku briras kaka, bahara dimbia apia.

Roman 1:13

Bamna muihki nani, brin ai daukisa man nani kaiki kama, nahki aima ailal brin ai daukan bal mai kaikaia, sakuna naha piua kat sin ban sip apia sna. Man nani ra balan ai dauki ba lika upla tila nani Dawan ra laki brih balaia, sim nisan wala nani tilara briri ba baku.

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

1 Korint 13:11

Yang tuktan kapri piua, tuktan baku aisi katna, tuktan baku daira wali katna, bara tuktan baku sin luki katna; sakuna almuk takri na ra, tuktan lâka nani ba mahka swiri.

1 Korint 14:19

sakuna prias dauki ba ra kau want sna, upla tânka briaia sip kaka bîla matsip aisaia, upla wala nani ra sin smalkaia dukiara, bîla sât aihka ni bîla 10,000 aisaia watlika ra.

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

Pilipai 3:15

Yawan nani wan kasak lukan lâka mapa ra kasak pâwan ba, baku lukaia sa. Ban sakuna, man nani wina kum aihka lukisa kaka, Gâd bui baha ba sin param mamrikbia.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.