1 Korint 13:6 - DAWAN BÎLA AISKA

⁶ Kasak apia nani dukiara witin ai lilia takras, sakuna kasak tânka dukiara lika.

1 Korint 13:6 ပူးပေါင်းရင်းမြစ်များ

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Impakan Sturka 18:9

Jetró lilia takan Gâd nahki Israel luhpia nani ra ai kupia yamni lâka uya marikan ba dukiara. Idsip uplika nani karnika wina swaki sakan ba.

Sins Lâka 14:9

Upla taniskira nani lika, saura lâka ba lilia lawaska kikisa, sakuna wapnikira nani tilara, yamni lukaia lâka bâra sa.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Oseas 4:8

Upliki nani saura dauki ba lal mana wina, witin nani raya sa; baha mita witin nani brin daukisa, upliki nani ba kau saura dauki kabia.

Oseas 7:3

“Upliki nani watawika lâka dauki, kunin aisi ba, king bara wihta nani sut baha wal lilia takisa.

Miqueas 7:8

Nisan nani sut waihli nani sma ba, man nani laiwaska kikpara yang kauhri ba dukiara, kan yang kli buamna; yang kra tihmia tara tilara iwisna, ban sakuna, Dawan ba yang ingniki kabia.

Matiu 18:13

Bara wal prawbia kaka, kasak pali man nani ra mai wisna, baha sîpka dukiara kau lilia takbia, 99 aimawahkras kan ba purkara.

Luk 22:5

Witin nani lilia taki bara Judas ra lalah yaia sin pramis munan;

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Pilipai 1:18

Sakuna, trabil âpu. Kasakkira, apia kaka kasakkira apia sapa, witin nani Kraist tânka aisisa; bara naha mita kupi lilia daukisa. Bara kau sin lilia takamna,

Pilipai 1:4

Puri sunisna ba ra sin, piu bani liliakira man nani sut dukiamra makabisna;

Pilipai 3:18

Naha dukia na man nani ra pat aima manis mai wîri, bara nanara naikra laya saki kli mai wisni: upla ailal bâra sa, witin nani Kraist dusa prihni ba wal ai waihla brih iwisa,

2 Tesalonaika 2:12

Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.