1 Korint 13:1 - DAWAN BÎLA AISKA

¹ Yang na upla nani aisi ba bîla ra, bara insal nani bîla sin aisaia sip kamna sakuna, latwan lâka âpu sna kaka, aisinki ba lika drum prukan kli kli ini ba baku sa, pân taya prukan bin dauki ba baku.

1 Korint 13:1 ပူးပေါင်းရင်းမြစ်များ

Lawana Nani 150:5

¡Witin ra mayuns pân pruki binka painkira dauki ba wal! ¡Witin ra mayuns pân pruki binka tara dauki ba wal!

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Mark 16:17

Bara kasak luki nani ra naha sainka nani ai yula kahbia: yang nini mâki pirit saura nani kangbi sâkbia; bîla raya nani sin aisabia;

Roman 14:15

Bamna man ani pata pima ba mita muihkam mina batakisa kaka, ba kat lika man latwan lâka âpu sma tânka marikisma. Baku bamna, plun sât kum kum piaia want sma ba mita, yarka upla kumi sin tiwbiara, kan baha tâwan sin Kraist pruan.

1 Korint 12:10

Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa.

1 Korint 12:16

Kiama ba wibia kaka: “Yang na nakra apia, bara baha mita wîna tara pîska apia sna”, baha mita sip apia sa wîna tara dukia kaia apia.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 13:8

Latwan lâka ba pruras ban raya iwisa. Piua kum balbia, bara Gâd wina bîla nani brin dahra aisabia apia, bîla aihka nani ra sin aisabia apia sa, diara tânka kaikaia lâka ba sin luha apia kabia.

1 Korint 14:2

Baha uplika bîla sât aihka aisi ba, upla ra lika aisaras kuna Gâd ra mika, kan upla kumi sin witin dîa aisi ba tânka briras. Witin aisi ba Spirit tânka ra, sakuna upla kumi sin baha tânka briras.

1 Korint 14:4

Bîla sât aihka aisi uplika ba, witin spirit tânka ra pâwisa, sakuna Gâd wina sturi nani brih aisi ba lika serts uplika nani ra spirit tânka yan pâwisa.

1 Korint 14:5

Yang brin ai dauki kabia, man nani sut ba bîla sât aihka aisaia sinska nani bri kama; sakuna kau pali brin ai dauki kabia Gâd wina sturi nani brih aisaia sip katma kaka. Kan Gâd wina sturi nani brih aisaia ba kau pain sa, bîla sât aihka aisaia ba wal, ban kra bîla sât aihka nani ra aisi dukia nani ba, tânka param saki aisabia kaka lika, serts uplika nani ba spirit tânka mapa ra pâwbia dukiara.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

2 Korint 12:4

bara witin ba Paradais kat brih wan, bahara bîla baikra tânka sip briras ba walan, bara baha tânka sip upla kumi ra sin wiaia adar âpu kan.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

Param Marikanka 14:2

Bara kasbrika pura ba wina bin kum taki kan walri, baha ba lî aubra binka baku, bara alwani karna binka ba baku kan; arp kakangbra ailal ai arpka nani kangbi ba binka baku kan.