1 Korint 12:10 - DAWAN BÎLA AISKA

¹⁰ Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa.

1 Korint 12:10 ပူးပေါင်းရင်းမြစ်များ

Joel 2:28

“Naha diara nani ba sut ba bal taki lubia ba ningkara, spiritki ba tasba uplika nani sut purara iwaia blikamna; luhpiam waitna nani bara luhpiam mairin nani sin Gâd dahra aisi kabia, almuk nani yaprisauhkan kaikbia, wahma bara tiara nani sin, naika diara aihka kaikbia.

Mark 16:17

Bara kasak luki nani ra naha sainka nani ai yula kahbia: yang nini mâki pirit saura nani kangbi sâkbia; bîla raya nani sin aisabia;

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Luk 24:49

Bara kaiks, yang bui man nani puramra blikamna Aisiki dîa pramis munan ba; ban sakuna, Jerusalem tawanka na ra takasks ani piua ra pura wina karnika brima ba kat.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Jan 16:13

Kasak tânka Spiritka balbia ba ra, witin mita mai smalkbia diara pali ba tânka. Witin ai brinka ba kat aisabia apia, sakuna dîa witin walbia ba baha aisabia, bara dîa dîa naika takaia ba sut mai wibia.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 11:27

Baha piua ra, Dawan wina sturi bri aisi uplika tila nani, Jerusalem wina Antíoco ra wan.

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

Apastil Nani Sturka 19:6

Pal ai mihta baha nani purara kahban ba ra, sut purara Spirit Holikira bal iwan. Bara mahka witin nani bîla sât sât aisin, Dawan sturka sin aisi kan, Gâd wina yan bamna.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Roman 12:6

Gâd prisant sât sât wankan sa, witin bui upla bani ra dîa yabaia want kan ba kat. Bamna baha prisantka nani wankan ba pain yus munaia sa. Gâd bui ai sturka yamni dahra aisaia warkka wankan sa kaka, yawan kasak luki ba tânka kat aisaia daukan sa.

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

1 Korint 11:4

Waitna kum ai pura suni mayunra dauki ba ra, apia kaka Gâd bîla dahra aisi smalki ba ra, ai lal ba srukisa kaka, witin mita Kraist ra swira daukisa.

1 Korint 13:8

Latwan lâka ba pruras ban raya iwisa. Piua kum balbia, bara Gâd wina bîla nani brin dahra aisabia apia, bîla aihka nani ra sin aisabia apia sa, diara tânka kaikaia lâka ba sin luha apia kabia.

1 Korint 14:13

Baku bamna, ani uplika bîla sât aihka aisi ba, Gâd ra makabaia sa baha bîla ra aisi ba tânka param sakaia karnika yabia.

1 Korint 14:39

Baku bamna, muihki nani, trai kaiki bas Gâd wina sturi nani brih aisaia sip kaia, bara bîla sât aihka nani ra aisaia ba sin man nani takaski banhpara;

Galesha 3:5

Ani piua Gâd ai Spiritka Holikira ba, man nani ra maiki wark aihka nani sin dauki ba ra, ¿dîa kan baku daukisa ki? Baha ba daukras sa, man nani lâ bîla wali daukisma ba mita, sakuna dîa dîa walram ba kasak lukisma ba dukiara sa.

1 Tesalonaika 5:20

Gâd mita ingni yan mita sturi pain aisi banhwi ba, bahki kulkpara.

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

Param Marikanka 2:2

Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa.