1 Korint 10:13 - DAWAN BÎLA AISKA

¹³ Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

1 Korint 10:13 ပူးပေါင်းရင်းမြစ်များ

Lawana Nani 124:7

Yang nani ra wan alkaia daukan ba wina swak takri, tnawira kum unta dadimra mihta wina swakwi ba baku; wan alkaia daukan ba kalwan bara yang nani swak takri.

Lawana Nani 125:3

Wihta tara saura ba, ai tasbaya ra ban tâ bri kabia apia, Gâd bui ai uplika ra tasba yaban ba watawan lâka ra ai uplika nani praptis munbia apia.

Lawana Nani 36:5

Sakuna, Dawan, man lamtwanka lâka ba, kasbrika pura ba kat uli auya. Man kasak lukankam ba kasbrika purara sangnika ba kat alkisa.

Lawana Nani 89:33

Sakuna yang Debit ra latwan kaikisna ba ban bri kamni, kasakki lâka witin ra brisna ba ban kabia.

Impakan Sturka 3:17

Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’

Aiseya 11:5

Kasakka lâka prâka dimi kabia, wapni lâka sin.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Jirimaya 12:5

“Upla nani wapi auya ba mapara plapi baku pali swapram kaka, ¿upla nani aras ra uli auya ba mapara nahki karna ki? Tasba langni ra man âmyapah damra walisma, ¿sakuna Jordan awala un ra sisikra nani ba tilara nahki plapma ki?

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Inanka Nani 3:23

Titan bani kli raya takisa; ¡nahki tara sa ai kasakka lukanka ba!

Daniel 3:17

Yang nani Gâdki, witin ra mayuni banhwisna ba sip sa baha kubuska pauta klauhan tara ba wina, bara dîa saura wala kra sin, man king tara, ai munaia lukma ba wina swaki ai saki banhwaia.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 11:4

Yang nani saurki nani ba ban swih tiks, wan mapara saura dauki uplika nani ra yang nani mita saurka tikisna ba baku. Wan traika kaikan mihta ra ban wan swipara.’

Luk 16:26

Naha sut purkara, wan lilapas ra albangka tara pali kum bâra sa; baku bamna, upla naha wina bahara luaia want ba sip luras, pana upla baha wina sin sip naha tani ra lui balras.’

Luk 22:46

Bara witin bila: —¿Dîa kan man nani yapisma ki? Man nani bus, puram sin suns, traika kaikan ra kauhmara sîa.

Apastil Nani Sturka 27:44

sakuna wala nani ba sin trai munbia tat pîs nani, apia kaka duri tara kriwan pîska nani alki wala nani nina blîkbia. Baku upla sut sauhka ra uli swak takan.

1 Korint 1:9

Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

2 Korint 1:10

Gâd bui yang nani ra swaki ai sakan bara kau ban sin swaki ai sakisa, prura pâtka tara ba wina. Yang nani kainira lukaia lâka ba witin kat mangki swiri sa, piua bani ban swaki ai saki kabia,

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

1 Tesalonaika 5:24

Witinka mita man nani mai paiwan ba, kasakkira sa, bara naha sut witin mita daukbia.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Hibru Nani 10:23

Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia.

Hibru Nani 11:11

Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.

Hibru Nani 12:4

Kan man nani lika saurka mapara aiklabisma ba ra, kau pruras sma.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

1 Pita 4:19

Baku bamna, Gâd kupia lâka kat pât wahwi nani ba, ban diara yamni dauki kaia sa, bara ai sulka nani ba aiska pali ai Papaskra mihta ra mangkaia sa, kan witin lika kasakkira sa.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.

1 Samuil 29:10

Baha ba mita, man bara ai dawanka dukia dadaukra nani sut man wal balan ba, yauhka titan ingwi takbia ba ra mahka kli tawi impaki banhs.