1 Korint 10:11 - DAWAN BÎLA AISKA

¹¹ Naha diara nani sut wan damika nani ra takan, bara Ulbanka nani ra mangkan kata, naha tasba yua nani lui waia lamara yawan raya iwi nani ra, baha tânka wan mariki wan kupia kraukaia dukiara.

1 Korint 10:11 ပူးပေါင်းရင်းမြစ်များ

Blasi Sturka 19:35

Bara witin nani baha tihmia sin kli ai aisika ra wain dakakan, bara muihnika ningka ba witin wal yapan; sakuna Lot ai tânka briras kan, ahkia ai luhpia mairin witin wal yapan ba bara ahkia sin kli buan ba.

Lawana Nani 102:18

Ulbi swin kaia sa naha na kiamka nani naika balbia ba dukiara, aisubi takuya nani sut ba Dawan ra mayuni kabia ba wisi.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Matiu 13:39

bara waihla inma saura mangkan ba lika dibil pali. Dâkaia piua ba lika tasba tnata, bara dâki uplika nani ba lika insal nani.

Matiu 13:40

Inma saura ba wahbi pauta ra lulki angki ba baku, tasba tnata ra sim baku kabia.

Roman 13:11

Naha sut tilara, yawan wan piua iwi na tânka luki bas, bamna kaiki bas yapan wina buaia piua ra sa. Kan blasi kata ba wal nanara lika swaki wan sakan lâka ba kau wan lamara pali sa, yawan nan Dawan bîla smalkan wali kasak lukan ba wal.

Roman 13:12

Tihmia ba pat aihkika luan sa bara yu baiwaia baila sa; baha mita tihmia ra daukanka saura nani ba mahka swiaia sa; bara suldiar kum baku war aiklabaia dukia nani ba buki bri baku, ingni prâka ba yawan dimaia sa.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Roman 4:23

Ebraham kasak lukanka lâka Gâd mita aitani kulkan ba, baha dukiara baman wisi lika ulbras sa;

1 Korint 10:6

Naha diara nani na takan yawan ra tânka kum wan marikaia dukiara, bara baku mika yawan na diara saura nani want takbia apia, witin nani daukan ba baku.

1 Korint 7:29

Muihki nani, yang wiaia want sna tânka ba lika naku sa: yawan kau piu wiria baman brisa. Bamna, nanara wina ai tâura, marit waitna nani ba ai maya âpu baku iwi kaia sa;

1 Korint 9:10

sakuna yawan dukiara lukisa, kan lâ ba yawan dukiara ulban kata; ani uplika tasba baiki ba bara plawar mâ taibi ba sin ai kainara diara briaia luki daukaia sa baha daukbia ba wina diara bribia.

Galesha 4:24

Naha na lika tânka tihu kum wan marikisa. Mairin wâl ba lika wan marikisa lâ wâl tânka. Naha lâka wâl wina kumi ba lika Sainai ilka ra yaban ba, bara baha ba lika Agar tânka wina wan marikisa; ya baha pramiska uplika sa kaka, aisubi takisa alba aimakaia dukiara.

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

Hibru Nani 10:37

Kan Ulbanka ba wisa: “Kau piu wiria lupia baman, witinka balaia ba pat balbia; witin kau sin takaskbia apia.

1 Jan 2:18

Luhpi lupia nani, piua tnata ba pat baila sa. Man nani walram upla kumi Kraist mapara ba dukiara, witin aula; nanara upla manis buan sa Kraist mapara, baha mita yawan kaikisa tnata yua ba baila sa.