1 Korint 10:1 - DAWAN BÎLA AISKA

¹ Muihki nani, yang want sna man nani kaiki kama, wan damika nani Moses nina bliki nani ra dîa takan ba. Witin nani ba baha kasbrikika munhtara banhwi kan, bara sut Kabu Pauni bâk dimi, lui banhwan.

1 Korint 10:1 ပူးပေါင်းရင်းမြစ်များ

Nihimaya 9:19

sakuna man, upla ra umpira kaikan lâka uya pali brisma ba mita, upla iwras tasbaya ra lulki swiras kapram. Kasbrika playka ba kakna ra, witin nani yabalka wina tnaya ra tawras kan, yabal bâk brih waia dukiara. Tihmia ra sin pauta klauhi ingni ba yabram, impaki kan yabalka bâk, witin nani auya ba ra.

Lawana Nani 105:39

Gâd bui kasbrika kum blikan witin nani pura bikaia, pauta klauhan kum blikan tihmia ra ingwi kaia.

Lawana Nani 66:6

Kabu ba tasba lâwan daukan, bara wan damika nani awala ba wapi luan; ¡bamna yawan bui Gâd ra lilia daukpi!

Lawana Nani 78:53

Pain main kaiki brih taki wan sibrin kra daukbia sîa, sakuna ai waihla nani ba lika, sut kabu ra yaban pruan.

Impakan Sturka 14:29

Ban sakuna, Israel luhpia nani lika tasba lâwan bâk lui wan. Kabu laya ba kutbanka tara wâl kan, kumi ai aihkika ra bara wala ba ai smihka ra.

Impakan Sturka 40:34

Utla ba sut mâkan ba ra, tint watla ba kasbrika kumi bal Dawan prana ni madiskan, bara tint watla ba Dawan prana ni banhkan kan.

Kulki Kaikanka 14:14

Kenan uplika nani ra sin aisisma na wibia. Man Dawan naha uplika nani lilapas ra katma, witin nani mai kaiki kan man param taki katma ba, âu, Dawan, kasbrika bukram witin nani purara kata, bara kakna ra witin nani tâura impaki katma kasbrika playa kumi ni, bara tihmia ra lika pauta klauhan playa kumi ni.

Kulki Kaikanka 33:8

Witin nani Pi-hahirot wina taki, Kabu Pauni ba lui upla iwras tasbaya ra aidrubi wan; witin nani Etam wina yu yumhpa baha yabalka ra wapan, ai watla nani kiamka Mará kat mâkan.

Jan 4:20

Wan damika nani Sameria wina kan ba, naha ilka ra Gâd ra ai pura suni mayuni kan; sakuna man nani Ju nani bila, Jerusalem ra baman Gâd ra wan pura suni mayunaia sa.

Roman 1:13

Bamna muihki nani, brin ai daukisa man nani kaiki kama, nahki aima ailal brin ai daukan bal mai kaikaia, sakuna naha piua kat sin ban sip apia sna. Man nani ra balan ai dauki ba lika upla tila nani Dawan ra laki brih balaia, sim nisan wala nani tilara briri ba baku.

Roman 11:21

Bamna Gâd tnawa pali nani ra saurka swih tikras kan kaka, baku man ra sin saurkam swih tikan kabia apia.

Roman 4:11

Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

1 Korint 12:1

Muihki nani, yang want sna Spirit prisantka, upla bani ra sins tânka yabi ba baha nani kakaira kama.

1 Korint 14:38

Sakuna aitani luki kulkras kaka, pana sin witin ra aitani luki kulkaia apia sa.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Kli Smalkanka 1:33

witin sika man nani kainamra wapi kan, man nani anira takaskaia pliska ba saki maikaia dukiara. Tihmia ra pauta klauhan playka yabalkam ra mangkan, man nani baha nina blikram, bara kakna ra lika kasbrika playka ni yabal mamrikan.

Hibru Nani 11:29

Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.

Jasua 4:23

bara nahki man nani Jordan awala ba lui kapram Dawan Gâdkam awala laya lâkan ba baku, yang nani sin Kabu Pauni lui kapri bara kabu laya ba lâkan kan.