1 Korint 1:9 - DAWAN BÎLA AISKA

⁹ Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

1 Korint 1:9 ပူးပေါင်းရင်းမြစ်များ

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Aiseya 11:5

Kasakka lâka prâka dimi kabia, wapni lâka sin.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 24:35

Kasbrika tasba wal lui wabia, sakuna bîli nani lika aimakan kabia.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Roman 11:17

Bamna tila Ju nani ba lika, sim oliv dusa tnawa nani kan klaki saki, man oliv dusa tnawa wail katma ba, baha nani watlika ra mai mangkan sa. Baku sika wakia pali ba wina dukiam briram, bara oliv dusa rayaka pali ba ra sin.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

Roman 9:24

Bamna Gâd mita wan paiwan, Ju nani tila ba wina baman apia, sakuna Ju apia nani tila ba wina sin.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

2 Tesalonaika 2:14

Swaki sakanka sturka yamni, yang nani mai smalkri bâk, Gâd naha dukiara mai paiwan sa: wan Dawan Jisas Kraist prana ra sirkam brima dukiara.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

2 Timoti 2:13

Yawan na kasak apia sa kaka, witin lika ban kasak sa, kan Gâd ai tânka ra sip apia wiras.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 10:23

Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia.

Hibru Nani 11:11

Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 4:13

Baha tânka ba lika yawan mita Gâd ra iwisa, bara witin mita yawan ra iwisa, ai Spiritka wankan ba mita.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.