1 Korint 1:8 - DAWAN BÎLA AISKA

⁸ Gâd, witin bui man nani ra tnata kat ban bapi bûi kaia mai bri kabia, bara baku mika wan Dawan Jisas Kraist balbia ba ra, upla kumi sin man nani wina pât kumi sin sâkbia apia.

1 Korint 1:8 ပူးပေါင်းရင်းမြစ်များ

Lawana Nani 37:17

Dawan mita saurakira nani ba baha kat takaskbia, sakuna Dawan bui upla yamni ba alki buki kabia.

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Luk 17:24

Bamna imyula lipan ingnika kasbrika tâ kumi wina tâ wala kat kaikisma ba baku, sim sât kabia Upla Luhpia Waitna aula ba ra.

Luk 17:30

Baku kabia Upla Luhpia Waitna balbia piua ra.

Roman 14:4

¿Man ba ya sma, upla wala dukia dadaukra lâka aisi daukisma ba? Ai dawanka bisniska sa, witin ba buisa sapa, apia kaka kauhisa sapa. Bara uplika ba yaka pain bûi kabia, kan Dawan lika sip sa witin ba yaka pain kaia.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

2 Korint 1:13

Bamna diara nani wan wauhkataya nani ra ulbisna ba lika, diara wala âpu sa, man nani aisi kaikma ba ra, tânka brima dukia nani baman sa. Bamna brinki sa man nani tânka sut pali brima,

2 Korint 1:14

pat tânka wiria kaikisma ba baku; bamna wan Dawan Jisas balbia yua ra, yang nani dukira âmyapah kama, sim yang nani bui man nani dukiamra âiyapah kamna ba baku.

2 Korint 1:21

Bamna Gâd mita sika yang nani ra, bara man nani ra sin Kraist wal karna wan daukan ba, bara bâk wan saki wan brin.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Pilipai 1:10

baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

1 Tesalonaika 5:2

Man nani pain kaikisma, Dawan yua ba lika bîla kaikras pali kama ba ra balbia, sim âimplikra kum tihmia ra aula ba baku.

2 Tesalonaika 2:2

kupiam lukanka ba ban isi pali sins munpara, yarka sirang mai ikbiara, bîla aisin walma kra sin apia, wauhkataya yang nani mai blikri alkram kabia sin apia, baha sut mita Dawan yua ba pat balan mai wibia sin apia.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.