1 Korint 1:5 - DAWAN BÎLA AISKA

⁵ Kan man nani lika Jisas wal asla sma ba mita, Gâd mita diara sut mapa ra yuyakira nani mai daukan sa, bîla nani aisisma ba mapa ra bara diara tânka nani kakaira sma ba mapa ra sin.

1 Korint 1:5 ပူးပေါင်းရင်းမြစ်များ

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Roman 11:12

Bamna, Ju nani mina prukanka, swakwanka ba mita tasba aiska na hilp brin kaka, bara witin nani mâyara tawan ba mita Ju apia uplika nani sin hilp brin kaka, ¡Ju nani kli tawi dimbia bara nahki kau hilp bribia lukisma!

Roman 15:14

Muihki nani, yang kasak daira walisna, man nani lika kupia yamni lâka bara diara tânka kaikaia lâka ni sin aibanhram pali sma, bara pana pana kupiam kraukaia lâka sin brisma.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

1 Korint 12:10

Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

1 Korint 13:8

Latwan lâka ba pruras ban raya iwisa. Piua kum balbia, bara Gâd wina bîla nani brin dahra aisabia apia, bîla aihka nani ra sin aisabia apia sa, diara tânka kaikaia lâka ba sin luha apia kabia.

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

1 Korint 8:11

Bara baku, naha uplika swapan na, witinka ba muihkam bara witin dukiara sin Kraist pruan ba, man diara tânka kakaira sma ba mita tanis tiwbia.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

2 Korint 8:7

Bamna man nani lika diara sut aitani kat brisma: kasak lukan lâka, smalkaia mapa ra, diara tânka kaikaia lâka, diara sut ra karna munaia mapa ra, bara yang nani ra latwan ai kaikan lâka sin; baha mita, man nani naha latwan lâka warkka na sin manis daukaia sma.

2 Korint 9:11

Baku mika man nani kupiam pihni lâka ra diara manis yaia bri kama. Bamna yang nani mihtik, baha lalah sakan blikuma ba dukiara wan muihni nani Gâd ra tingki wibia.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.