1 Korint 1:29 - DAWAN BÎLA AISKA

²⁹ Baha tânka ba lika wisa, upla kumi sin Gâd mawanra aimayunaia sip apia sa.

1 Korint 1:29 ပူးပေါင်းရင်းမြစ်များ

Lawana Nani 49:6

Witin nani lika, ai dukia kukan nani ba ra man lukisa; witin nani ai yuyaka brisa wisi, bahara baman tniwisa.

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Roman 15:17

Bamna Kraist Jisas ra kasak lalukra sna ba mita, âiyapah pali Gâd warkka daukisna.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Roman 3:27

Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

Roman 4:2

Ebraham wark daukan ba tâka wina Gâd mita kasakkira kulkan sa kaka, witin baman sa lukaia, kuna Gâd mawanra lika apia.

1 Korint 1:31

Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

Epesus 2:9

Upla kum diara daukan ba mita lika apia, bara sin aimayunaia apia ba mata.