1 Korint 1:27 - DAWAN BÎLA AISKA

²⁷ Tasba uplika nani sins lâka kakaira baku kulki uplika nani ba, Gâd mita bâk sakan sa, sins lâka kakaira nani ba swira daukaia wisi; bara tasba uplika nani mita swapnikira baku kulki nani ba, witin mita bâk sakan sa, karnakira nani swira daukaia dukiara.

1 Korint 1:27 ပူးပေါင်းရင်းမြစ်များ

Lawana Nani 8:2

Tuktan nani mayunra wal, tuktan nani kau tiala di ba mayunra wal sin, kan kahbaika pliska kum paskram waihlam nani mai munan tâka, baku lika man waihlam nani bara pana mamunra nani ba, âpu daukma.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Kulki Kaikanka 22:30

Sakuna biriku ba pana win: —Yang na man birikukam sna bara piua bani yang ra ai ulisma, bara pain nu sma kau aima kumi sin baku mai munras katna. Balaam pana win: —Man kasak pali aisisma.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 21:16

Bara witin nani bui Jisas ra win: —¿Walisma ki baha nani aisi ba? Jisas pana win: —Âu, yang walisna. ¿Sakuna Ulbanka ra naha tânka aisi ba man nani aisi kaikras ki? Naku wisa: ‘Tukta sirpi swap lupia tiala di nani lawana ba wal man ra mamyunaia ba yaram sa.’

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 7:35

“Naha Moseska na ra sika Israel luhpia nani mita bahki kulkata ba, naku sin makabi walata ba: ‘¿Man na ya mita wan purara wihta bara lâ dadaukra kaia mai mangkan?’ Baha Moseska sika Gâd mita wihta bara upla pri sasakra baku blikan, insal witin ra latan takan kiaya dusa ra pauta baku klauhi kan ba tilara.

Apastil Nani Sturka 7:54

Witin nani naha diara nani walan ba ra, ai kupia sauhkan, ai napa nani sin arkban Stiben ba mapara.

1 Korint 1:20

Baku bamna, ¿anira sa sins lâka kakaira ba, bara smasmalkra ba, bara baha nani naha tasba dukia nani ra blahwi aisaia lan ba? ¡Gâd mita bahki lakan sa naha tasba sinska lâka ba!

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 2:12

Bara yawan na tasba spiritka briras sa; yawan lika Gâd mita blikan Spiritka ba brin sa, Gâd ai kupia yamnika mita diara nani wankan ba yawan tânka bribia wisi.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.