1 Korint 1:26 - DAWAN BÎLA AISKA

²⁶ Muihki nani, nanara damra walisma, man nani ba Gâd mai paiwan bara dîa banhwi kapram ba. Tasba tânka mapa ra man nani wina kum kum baman sinskira kapram, bara tila nani baman sin karnika bri upla tara taika nani wiria man katma.

1 Korint 1:26 ပူးပေါင်းရင်းမြစ်များ

2 King Nani 5:4

Bara Naamán ai wihtka ra dimi wih aisin, tukta mairin lupia dîa sturka aisin ba.

Job 37:24

Baha mita upla nani mita witin ra sibrin brisa, sinskira nani ba witin ai mapa ra diara apia sa.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Apastil Nani Sturka 13:12

Bara wihta ba naha diara kaikan ba ra, kasak lukan, Dawan tânka smalkan ba dukiara sin tâ iwan kan bamna.

Apastil Nani Sturka 13:7

Witin lika baha kî dakura wihtka tara kan Sergio Paulo; baha waitna ba sinskira kata. Bara wihta ba mita Bernabé bara Saulo wal ra paiwan, witin Dawan bîla walaia want kan bamna.

Apastil Nani Sturka 17:34

Sakuna upla kum kum ai nina blikan, kasak sin lukan. Witin nani tilara kata Dionisio, witinka Areópago uplika kum, bara mairin kumi nina Dámaris, bara kau wala nani sin.

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

1 Korint 1:20

Baku bamna, ¿anira sa sins lâka kakaira ba, bara smasmalkra ba, bara baha nani naha tasba dukia nani ra blahwi aisaia lan ba? ¡Gâd mita bahki lakan sa naha tasba sinska lâka ba!

1 Korint 2:13

Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

Pilipai 4:22

Nahara Gâd uplika nani na sut lakula blikisa, bara kau pali Rom wihtka watla uplika nani.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

2 Jan 1:1

Yang, serts almukka sna ba, Gâd mita bâk ai sakan; bara wan kristian daknika bâk sakan uplika nani sut ra laikula blikisna. Witin nani ra kasak pali latwan kaikisni, bara yang baman apia, kuna diara kasak tânka ba kakaira takan nani sut mita sin.